投資一定有風險，有賺自然就有蝕！近日有港男於本地討論區發文，指自己早前投資虧蝕十多萬，因輸錢後不服氣便借錢炒股，最終連本帶利輸近百萬，每月只能靠積蓄、薪金還錢，「而家根本上係月月清」，加上又遭到伴侶拋棄，讓他不禁萌起輕生念頭。帖文一出，不少網民紛紛為他打氣，希望他能振作起來，「錢再賺就有」、「人生邊有咁易完」。
該名港男以 「炒股輸咗接近90萬，覺得人生玩完咗」為題發帖，表示自己今年29歲，他是在2021年開始接觸股票投資，「全部都係炒美股，當中炒妖股、期權居多」。每項投資都有其相應的風險與回報，他曾試過以$3,000元炒上9.6萬元，但因為「衰貪心想再炒落去」，結果投資失利，輸光所有。
點擊圖片放大
樓主續指，當時因不甘心輸錢而向財務公司貸款，「想追返輸咗果啲，就愈追愈大，去到借埋錢去炒，覺得自己已經好似控制唔到自己咁」。最終，他虧損及欠款數字越來越大，現在不但欠債60萬，就連原有的30萬積蓄亦輸掉。現時樓主月薪只有1萬多元，目前只能靠積蓄、薪金來還錢，而且他的健康亦受到影響，加上另一半於此時提出分手，讓他一度萌生輕生念頭，「覺得自己人生冇咗咁，連另一半都離自己而去，好想離開呢個世界就算」。
點擊圖片放大
帖文曝光後，不少網民都認為「買期權好易輸好多」，並指出以樓主現時的薪金根本不足以支付最低還款額 ，勸他還是及早申請破產。另外，有部份網民則擔心樓主精神狀況，紛紛留言安慰，鼓勵他重新振作，「不要想太多了，錢再賺就有」、「邊到跌低邊到起身，最重要知道自己投資邊到犯錯」、「1年清啦，同老豆老母住，唔交租，唔俾家用，慳少少帶飯盒返工」
而樓主亦有對此回覆，表示自己有打算申請破產，「我都諗緊（破產），捱得好辛苦，我啲積蓄都拎哂黎還錢，而家根本上係月月清」，並透露自己每月銀行戶口只剩幾百元，用來應付下一個月的支出，早已支付不了家用，還需要依靠家人來維持生活，欠債一事亦未敢向家人坦白，「佢地唔知我（欠）咁多錢，仲成日問我點解唔出街。」
來源：香港高登討論區
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
