芷珊約您｜Jackson王嘉爾驚爆10年後不再活躍幕前 親曝真實想法「唔會再喺呢個圈度」
由黎芷珊主持的清淡節目《芷珊約您》，日前（播出第四集的嘉賓是王嘉爾（Jackson），一位前港隊劍擊運動員，隻身到韓國當練習生、以韓國男團GOT7出道，再單飛發展的歌手。黎芷珊直擊其首個巡唱中國區第一站澳門演出，還與久未以廣東話受訪的Jackson進行深度專訪，探討Jackson的內心世界。
Jackson的粉絲遍佈世界各地、各大社交媒體擁數以百萬、千萬計粉絲，單在IG就有支持者越過3,300萬粉絲，謙稱自覺目前只是剛起步，做任何事情應抱著感恩心態：「我覺係啱啱開始，名氣又好、popularity又好，我會覺得係泡沫，隨時都可以冇。」自小嚮往演藝夢、不顧家人反對勇闖K-Pop樂壇，Jackson回想曾任劍擊港隊總教練的爸爸，當年開出讓他入行的條件：「爸爸半開玩笑話『攞到冠軍畀你去』，講呢句說話即係唔畀我去，因為知我冇可能攞到。」
Jackson不但犧牲參加奧運、入讀美國史丹福大學的機會，更錯失同輩所經歷的時光；2011年到韓國展開練習生生涯，初時對韓語一竅不通，眼見身邊練習生無論內外條件都滿分，Jackson有感技術不如人，坦言第三天已有想放棄的念頭：「技術又冇，生活所有嘢變晒，好孤獨。」、「唯一可以同佢搏嘅，你做十個，我就做一百個。我要先令到自己技術進步，想去邊間公司都去到。」
近乎10年沒休息過的Jackson，今年踏入30歲，他希望放慢腳步，帶父母去旅行；他還坦承渴望談戀愛，不但希望在35歲前成家立室，更盼望早日成為人父，與子女能如朋友般關係：「我想見佢哋耐啲，想同佢哋成為朋友，一齊去飲酒、跑步、打波。」他對於感情事從不強求，一切順其自然，但人漸成長卻令他變得內向，甚至出現社恐：「本身好active、好開朗，同人好快做到朋友，但時間耐咗，覺得自己有少少冇咁想社交。我以為係好friend嘅、真心嘅，但最尾好多時唔係咁。」
之後，黎芷珊問到想跟10年的自己說甚麼，Jackson笑言沒有話要說，繼而驚爆10年後不再活躍幕前：「佢自己好自為之！我覺得唔會再喺呢個圈度，（唔好嚇我，你啲粉絲聽到會癲㗎！）呢個係我嘅選擇、我嘅人生，我想生活、我想創作，我覺得我嘅強項係創作，而唔係淨係幕前。」
同場加映：【夠鐘放飯】最新影片
港生活人氣本地熱話
↓【限時搶⚡】送您JA-RICE日本石川輝煌越光米↓
↓米粒透白具光澤、米香突出，黏度適中↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
