朱智賢謝東閔被踢爆疑似已秘密結婚?好友林子善一句不慎出賣洩蜜?

文: 羅志宏
2024.05.17

現年37歲的朱智賢去年正式離巢TVB,之後轉型成為KOL,主力拍片經營社交網,真性情大受網民歡迎。與男友謝東閔拍拖多年以來,二人的感情狀況不時引起網民的關注,近日更再度被指「好事近」,事關圈中好友林子善就留言踢爆,似乎話中有玄機。

日前,朱智賢在社交媒體上分享了一段「理想與現實」的影片,片中所見朱智賢犧牲女神形象,展示了自己在家中的私下真面目,素顏戴髮箍、穿「阿婆睡衣」、敷著眼膜的模樣,發現被男友謝東閔偷拍真實一面後,更隨即怒掟cushion洩憤狂打,一臉嬲嬲豬。下方留言更見到二人的好友林子善留言:「出賣老婆系列」,似乎不慎踢爆二人已秘密結婚,迅即惹來網民熱議。

其實,朱智賢和謝東閔近年來都極少公開同框,早前適逢2月14日情人節是放閃好機會,謝東閔就激罕晒恩愛,在IG分享了一張與女友朱智賢的二人合照,簡單寫下一句:「Happy Valentine’s」,實行高調放閃,不少圈中好友都激動留言,包括張振朗、連詩雅、江嘉敏等。

同場加映:【夠鐘放飯】最新影片


去年正式離巢TVB的朱智賢曾於電台接受訪問時,就分享過與男友謝東閔的相識起緣,坦承認識到男友謝東閔是在這一行最大得著之一:「其實之前冇乜合作過,佢參選《超級巨聲》時,我仲喺紐西蘭讀緊書,都唔知佢係邊個!純粹係綜藝節目《天與地》開會見過面,之後喺宣傳記招認識,係因為有共同朋友,一齊出去玩先熟絡。」

被問到男友謝東閔最初吸引她的地方,朱智賢笑言:「因為佢同我一樣都鍾意狗!最搞笑係佢話畀我聽佢隻狗叫『豬豬』,我呆咗,因為我花名都係叫『朱朱』!好搞笑。」二人因愛狗結緣,她接受對方追求因謝東閔有不少優點,「心地好好、有義氣、個人好真誠,同佢相處好簡單直接!」

講到經歷2020年的感情考驗,朱智賢又感謝男友一直陪伴及給予鼓勵,令二人感情不減反增,「那一年最初沒工作,是他鼓勵我去行山,叫我唔好再浪費時間下去。之後,我哋感情仲昇華咗另一個層次,大家都唔同咗!」當朱智賢被問到二人何時計劃結婚及生小朋友,她就指:「佢carefree啲,覺得一齊就OK,一張紙唔代表啲咩!」

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓

↓ 結合「氣炸」同「烘焙」︱0.2秒即熱︱7種烹調模式↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓