由陳自瑤（Yoyo）、賴慰玲、黎諾懿及羅天宇主持的TVB清談節目《香港婚後事》今晚播出的第8集，今集探討的主題是「離婚」，邀來龔慈恩擔任嘉賓。龔慈恩分享了現階段不拒抗再婚的想法，而陳自瑤就激罕開腔談及離婚，更愈講愈多！
節目開始，龔慈恩先分享了對夫婦離異的見解：「冰封三呎，非一日之寒，比較傳統啲嘅女性，仔女係佔咗佢（生活）一大部分，佢可能喺某一段時間係完全忽略咗自己，將啲時間、精神、責任擺晒喺仔女身上，到某一日突然間醒咗，佢會意識要有自己人生，咁會令到有番咁上下年紀嘅人有離婚嘅意識。」
而陳自瑤則認為：「一段關係係雙方（付出），可能你好想為小朋友保持一個美滿家庭，但可能對方唔想，可能佢個心已經走咗，你格硬死𢱑都冇辦法，有啲嘢唔係一個人可以做到，呢啲情況就冇得選擇。」
其後，黎諾懿又分享指香港每年約有過萬宗離婚個案，而離婚手續亦日漸簡化，對此賴慰玲認為「離婚」變得流行：「大家覺得（離婚）冇咁大件事，即係兩個人婚姻（如果）出現咗問題，然後就（咪）離婚囉，唔去解決。」賴慰玲續指近來香港出現移民潮，不少夫婦亦因移民衍生的問題而鬧離婚。至於問到龔慈恩找到適合的人會否考慮再婚？龔慈恩坦言：「會嘅，我覺得現階段係需要伴多啲，再唔再婚係另一個問題，但我唔抗拒。」
單親家庭長大的羅天宇坦言仍然相信愛情，希望將來可以給小朋友一個完整家庭。羅天宇有一位同母異父的弟弟胡㻗，兩兄弟感情要好，羅天宇笑言自己就像「白老鼠」：「我媽覺得呢個方式教仔唔係好掂，下個就會試用另一個方式，調整吓再做個好啲嘅出嚟。」
同場加映：【今期Chill抵】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
