中年好聲音丨李佳確診患腱鞘囊腫手腕腫痛 開刀割腫塊慘變豬手洗唔到頭

文: 余美鳳
2024.05.18

《中年好聲音》亞軍人馬李佳一向深受觀眾歡迎,尤其她作為人母但擁有樂天開朗的性格,相當平易近人。李佳早前跟一眾粉絲舉行生日會,玩得非常開心,不過昨日李佳分享近照,見她左手要包紮住,傷勢似乎不輕,原來她剛剛做完手術正在等待康復中。

同場加映:母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛?

李佳昨日跟《中年好聲音》的一大班朋友出席胡渭康的生日派對,雖然佳佳一如以前都掛起燦爛的笑容,不過不少粉絲見到她左手的傷勢,都紛紛留言送上慰問。由於左手包紮住,她都不能夠洗頭,所以遇到髮型師朋友願意為她洗頭,令李佳非常感動。

中年好聲音|李佳孖羅啟豪加拿大登台 上機前遇意外:真係有驚無險

 

 

李佳接受本網電話訪問,她表示:「我隻手係腱鞘囊腫,啱啱做咗一個手術。其實1月已經抽過啫喱出嚟,但真係好快,我去加拿大嗰陣已經生番出嚟,仲比之前犀利,變成好大一粒。醫生本身話唔痛、唔痕,就唔理佢都可以,但我就係痛,一郁就會痛,後來照咗先知,原來粒嘢已經到咗筋腱位,所以要開刀切咗佢。」她表示星期一去手術室接受手術,手術成功,而且醫生手勢非常好,「佢縫得好細好靚,所以而家隻手要包紮幾日,拆開係可以,不過怕有時唔覺意會做錯手勢就會痛,畢竟個傷口都有2cm大,要等一段時間先可以真正恢復如常咁郁個手腕。」她表示手術後第二日都有網上直播唱歌,不過唱歌一用力,成隻手就會好麻,現時開始消腫,希望盡快康復,不影響工作,特別是要努力籌備下月舉行的《一班好聲音十力無限演唱會》。

李佳表示左邊暫時不能夠郁動太多,腫得緊要的時候,兩個囝囝都好乖,幫媽咪拎嘢。不過由於左手包紮住,她不能夠洗頭,令李佳相當不自在。「有日去朋友度玩,佢係間Salon嚟,見到我隻手咁樣,主動話幫我洗頭,真係好感動。今日我帶囝囝去剪頭髮,佢哋見我包住又幫我洗頭,所以真係好幸福。」

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【夏日密密賞☀️】體驗最「Cheeful」夏日😍↓

↓免費換領卡樂B Cheeful® 芝士味粟米條🧀!↓

↓免費換領卡樂B Cheeful® 芝士味粟米條🧀!↓

↓【夏日密密賞☀️】增添女神優雅氣質💖↓

↓免費換領Les Néréides 2024春夏系列-雛菊環形耳環!↓

↓免費換領Les Néréides 2024春夏系列-雛菊環形耳環!↓