姜濤瘦身有成績自信曬「絕對領域」 MIRROR澳門站彩蛋改唱團歌贈歌迷

文: 余美鳳
2024.05.17

男團MIRROR在澳門一連四場演唱會昨晚(16日)開鑼,成員姜濤近日瘦身漸見成績,他在騷後竟然激罕po多張露手臂的照片,令姜糖大感驚喜。

同場加映:母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛?

姜濤的身形向來是外間焦點,去年一度身形暴脹的他,夏天都經常穿闊身長袖衫或大褸遮掩。今年他開始慢慢瘦下來,上月在維園獲波友慶祝生日時,他穿短袖tee配藍球衫,看來身形清減了,面形也比之前尖。

瘦身開始有成績的姜濤越來越自信,平時以長長瀏海遮額頭的他,難得曬額頭「派福利」。昨晚感冒未清、病住開騷的他,在騷後分享於後台熱到爆汗的照片,重點更落在他摺起衫袖,大騷手臂,留言:「最後三場!感冒給我好起來!」雖然姜濤雙臂未算十分結實,但姜糖「首次」睇到偶像手臂全貌,都大呼驚喜:「出身汗,好快康復。多謝福利,我哋大飽眼福,有額頭又有手臂睇」、「手臂仔果然係絕對領域」、「物以罕為貴,真係唔使成日露」、「係咪發緊夢?姜Man露兩手」、「係咪第一次見你主動露手臂?見到你日子有功,又瘦左」等等。

另外,昨晚澳門站為MIRROR世界巡唱最終站,原訂演唱會encore的彩蛋環節,因應尾站也特意改為團歌送驚喜,每晚一首晚晚不同,昨晚率先有《一秒間》。眼見巡演最後倒數,12子不捨之餘,也輪流出口術推高Fans情緒。MIRROR自今年1月,在香港首站舉行16場演唱會後,4個月間馬不停蹄在倫敦、曼徹斯特、洛杉磯、三藩市、紐約、多倫多及新加坡舉行巡場, 來到第九站尾站澳門,Fans熱情不減,昨晚12子不間斷唱出《WE ALL ARE》 、《One and All》 、《IGINITED》 、《一秒間》 、《BOSS》 及《Catch A Vibe》,台下更是齊齊大嗌MIRROR 跟住唱!正如隊長Lokman在台上不斷提醒fans,尚餘三晚巡唱便正式完結,所以買飛入場的Fans記得要企起身盡情投入,與MIRROR創造難忘快樂的時刻。

(點擊即睇MIRROR澳門頭場靚相)

圖片來源:IG、大會提供

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【6月限定雙重賞🎉】!↓

↓ 分享打卡靚相即免費送📸↓

↓ 分享打卡靚相即免費送📸↓

↓【夏日密密賞☀️】增添女神優雅氣質💖↓

↓免費換領Les Néréides 2024春夏系列-雛菊環形耳環!↓

↓免費換領Les Néréides 2024春夏系列-雛菊環形耳環!↓