關楚耀（Kelvin）去年同網紅女友正式註冊成為夫婦，事隔半年，本月底將於海外舉行婚禮，關楚耀同太太一同post出二人別具心思嘅喜帖，宣布即將於泰國布吉補搞婚宴。
同場加映： 馮盈盈否認為嫁豪門進修碩士 望成出色女性：提升修為最重要
關楚耀去年「520」向拍拖6年嘅女友求婚，一年後二人宣布即將補搞婚宴，關楚耀同太太Joann出Post，相中見到二人將婚宴請柬設計成粉紫色護照同機票，印有Wedding Passport及"JK"字眼，並公布將於5月26日下午4時，在布吉舉行婚宴。兩人以英語發文寫道：「今年520，這是我們的結婚請柬！請準備出發去參加我們的婚禮，大家在那裏見#destinationwedding 當然要婚禮護照。」新郎表示到時真係「招呼唔到」，仲指自己已經開始緊張。
Joann自豪表示請帖大部分都係由佢設計，唔少朋友都大讚又靚又有心思，係收過最精美嘅帖咁話。Joann想喺婚禮上以最靚一面示人，本身已經好弗嘅佢不停指自己仲要減肥，另外，日前佢分享試婚紗片段，仲透露自己試咗30款，真係好誇張！其中有多套中門大開的Deep V設計，佢表示：「真的好愛off shoulder的款式，覺得自己膊頭最好看」。關楚耀表示同太太已分別在港準備結婚禮服和婚紗，佢笑言其中試嘅一套似民謠歌手，而最終老闆給他的意見是：「老婆想你着乜就着乜。」，成功唔使頭痛，又能令太太滿意。
關楚耀曾指二人各有各忙，直到依家先終於還到個婚禮畀太太，佢自認並不浪漫，婚禮會交給太太話事，自己只負責出席及出錢。至於賓客方面，關楚耀只預數十人，主要係佢同太太嘅同學，而契爺譚詠麟則冇時間出席，但註冊當天已向契爺敬茶。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
