不正常愛情研究所丨文頌男生日望過渡明年29+1大關 收藏心愛公仔竟被指係患癌原因?

文: 余美鳳
2024.05.27

前J2《不正常愛情研究所》主持文頌男(Koba)去年10月患上罕見癌症「尤文氏肉瘤」(Ewing's Sarcoma),被逼停工接受治療。努力面對癌症治療的Koba,昨日(26日)踏入29歲生日,和家人、朋友溫馨切蛋糕慶祝。

同場加映:神耆小子丨鄭則士稱人紅未必係強籲保持初心 慶幸能變老:下部劇先係我嘅高峰 

Koba抗癌之路十分辛苦,他日前公布自己最新病況,醫生安排他做28次電療,早前已完成25次:「喺呢段期間,我身體成日都覺得好唔舒服、食唔落嘢、食完又好想嘔返出嚟,成日都覺得好眼瞓、好攰、體力好差、做少少嘢就索曬氣,就係因為咁,所以我好耐都冇出Post,連玩Social Media嘅精神都冇。成日瞓喺張床度,會諗到好多嘢,成日都好驚,會唔會以後都係咁樣呢?又跛又痛、連去個廁所都好辛苦、食唔到嘢又要逼自己食、隔幾個鐘就要食一次藥,真係…真係好厭倦呢啲生活。」他想到家人、朋友,以及一直關心他、捐款支持他的網友,令他有活下去的動力。

昨日Koba 29歲生日,獲媽媽、家姐及好友在家溫馨慶祝。Koba轉發家姐分享的全家福,相中的他看來精神不俗,捧著蛋糕笑容燦爛。他亦轉發家姐拍攝的片段,只見他在眾人起哄下準備切蛋糕,鏡頭外有女聲說:「29歲啦,提醒下你。」然後男友人說:「下年轉字頭(30歲)啦!」Koba微笑回答道:「仲有下年…希望。」笑容中帶一點無奈。

Koba的YouTube chanel拍檔亦分享合照,留言祝福:「祝我哋幕前 @koba_mcn 生日快樂🎂✨ 希望你早日康復,身體健健康康❤️‍🩹 每日都過得開開心心🥳~」網民都在留言祝賀Koba生日快樂,亦鼓勵及祝福他早日康復,相信Koba看到十分窩心。

此外,不少善長捐款給Koba繼續治療,Koba上載一張支票,抬頭寫上「文頌男」,但原來竟寫錯名!Koba寫道:「寫呢張票畀我嘅朋友,如果你認得張票麻煩你聯絡我,想講你講聲唔好意思,因為寫錯咗收款人嘅名,所以銀行彈返畀我。我本名係:CHAN MAN NAM CLARK,喺度感謝你嘅善心。」原來「文頌男」是Koba的藝名,真名為陳文男。

及後,Koba向來喜歡電影《娃鬼回魂》的Chucky公仔,他提到網上一些傳言:「話我由有咗Chucky公仔就開始病、患癌,亦有朋友話覺得啲公仔風水唔好、有邪靈附體。」他解釋,自己10年前已收藏第一隻Chucky公仔,「而嗰段期間直到去年我都係非常健康,而我亦相信我患癌,同呢啲公仔係完全冇關係。」他自言收藏公仔只是普通嗜好,亦感激大家關心他。

圖片來源:IG

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【書展2024】勁送200張電子門票!↓

↓立即登記!攞免費門票↓

↓立即登記!攞免費門票↓

↓【夏日密密賞☀️】體驗最「Cheeful」夏日😍↓

↓免費換領卡樂B Cheeful® 芝士味粟米條🧀!↓

↓免費換領卡樂B Cheeful® 芝士味粟米條🧀!↓