阿叔搭巴士觀看AV遭瘋傳!市民偷影放上網 網民1個原因力撐阿叔

文: 溫藹紅
2024.05.28

網上瘋傳一張阿叔乘搭巴士時,公然大睇鹹片AV的相片,遭市民偷影放上網分享引來熱議。大部分網民因1個原因,一面倒力撐阿叔無問題,並大讚阿叔有公德心,反責斥偷拍者偷竊他人手機。不過都有市民認為,在公眾場所觀看色情影片,或會對小朋友造成影響。

昨晚凌晨時分,有網民在社交平台群組上分享一張「巴士阿叔睇AV」的相片,相中顯示一名阿叔乘坐巴士期間,手持手機低頭正在觀看色情影片,當時阿叔正坐在巴士下層靠前方的座位,手機畫面清晰可見,阿叔亦有戴上一條有線耳機收看,猶如進入無人之景。

此番情景遭後方一名乘客望到,其見狀隨即便拍下畫面續放上群組分享,並留言揶揄道:「谷友話唔鍾意人係巴士上面剪指甲,咁遇上坐前面個亞叔睇AV又點睇呢?」

▼原帖▼

網民力撐阿叔:起碼佢識戴耳機 又冇騷擾到人

帖文隨即在網上遭瘋傳,不過大批網民就力撐阿叔,認為「起碼佢識戴耳機,好過嗰啲睇新聞又唔戴耳機大大聲播出嗰班」、「好過開大喇叭果啲先」、「人哋帶耳機,關人咩事,又冇騷擾到其他人」,「人地真係唔預你偷睇囉,又有帶耳機,有咩問題先」?都有人笑指「咁慳時間係巴士睇,香港人真係好忙」,有網民亦指應該「送個防偷窺貼畀佢(阿叔)」。

▼網民留言撐阿叔▼

部分網民擔心:對小朋友構成影響

不過,都有市民覺得,雖然有戴耳機,但在公眾場所觀看色情影片,或會對經過見到的兒童構成影響。

▼網民反對公眾場所觀看AV▼

根據香港法例第228章《簡易程序治罪條例》第12A條,任何人不論是否為了獲取報酬,均不得參與、提供或管理任何不雅、淫褻、令人反感或令人厭惡的公開真人表演,包括全部或部分由人或眾人演出的戲劇、節目、展覽、表演、娛樂、演出、陳列或其他種類的表演。若在公眾地方觀看色情影片,令他人感到不安,或會構成「構成在公眾地方行為不檢」罪名,一經定罪可處罰款25,000元及監禁1年。

資料及圖片來源:Facebook@香港突發事故報料區及討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【6月限定雙重賞🎉】!↓

↓ 分享打卡靚相即免費送📸↓

↓ 分享打卡靚相即免費送📸↓