J2台《不正常愛情研究所》主持文頌男（Koba），去年發現椎間近盤骨位長有一個6厘米大的惡性腫瘤，被確定患上罕見癌症「尤文氏肉瘤」，已全面停工接受治療。在這段時間，除了接受治療之外，文頌男惟有在家休息，不時在IG直播與網民聊天解悶。最近一次直播，文頌男表現得消極，感覺做療程辛苦又消磨意志。
同場加映：神耆小子丨鄭則士稱人紅未必係強籲保持初心 慶幸能變老：下部劇先係我嘅高峰
剛29歲生日的文頌男，首先接受過化療後，可惜發現病情並無改善，反而腫瘤有變大情況，所以在醫生提意下嘗試以電療方法，同期亦有試以中藥療法。昨日（30）他於家中躺在床上做直播，被問到他的近況，都一一作答，他表示剛完成28次電療不久，正在等候報告。
文頌男不斷回答網民問題，有網民問到他有如何打算，他表示：「冇再痛番就可以七、八月去醫院再照，若痛番嘅話，就代表腫瘤大番，咁我就死得。」他還表示若不幸有甚麼情況，不希望再次接受電療或化療：「再來一次我唔會捱到，上次捱完已經好辛苦，點知捱咁多次治療反而大咗。所以唔想再捱，同埋捱唔到，若有乜事，我會自行了斷、」
接受化療過程中，文頌男除了感到身體痛苦之外，而且甩頭髮埋。在直播上，已經見他長了不少頭髮，他道：「之前做一輪嘢冇效，所以我唔會畀好大希望自己。同時亦有心理準備醫唔好，但求唔好死得咁辛苦，若再惡化，會自我解決，自我了斷算喇，唔想咁辛苦。」
期間，有網民鼓勵文頌男，叫他要活在當下，他都沒打精打彩地說：「冇經歷過唔會明白乜叫活在當下，冇經歷過好痛苦時間，又或者冇覺得自己就快要死，唔會明白。」再有網民留言「捱過就天晴」，文頌男即答：「講就易，都唔知有冇終點，終點可能係你死，或者唔知有冇終點，又唔知幾時係終點。」
文頌男還表示呆在家中休養，會覺得沒有太大生存意義，他自嘲：「日日好似吊住條命，生活有乜意思，又唔係過得舒服，日日受煎熬，活著有乜意思？如果舒服行下路都好，若果唔痛就好。」有網民鼓勵他別氣餒，他再自嘲：「講就易，如果冇報道，過兩星期你哋已經唔記得我啦，就算我成日出Po直播，大家都會慢慢唔記得我。」
由於沒有胃口，文頌男已經瘦得只有45kg，見到他下巴尖瘦，有時露出些少手臂，都覺得冇乜肉，令睇直播中的人擔心。有人不斷提醒他要吃多一點，,文頌男稱自己會有餓感，但沒有胃口不想進食，但知道要跟病魔惡鬥，才吃東西增加體力。其間，有一些「心地差」的網民惡意留言，問一些古怪問題，文頌男仍然好精靈能一一反擊，他複述網民問題：「醫生有冇幾多年命？冇講，你唔好睇咁多TVB啦。有一成醫得好，醫生都唔會講。」
有網民指文頌男有收過不少捐款，對方指古天樂曾捐出巨額支票，應該有好多錢能醫病，所以未能申請政府有關醫療援助，他立即反擊：「好多人畀錢？你又知？你以為啫，唔好講啲你自以為事嘅嘢出嚟。古生都畀咗唔少？我唔想講人哋捐咗幾多，你覺得多就是旦你，你鍾意點諗就點諗。」其他所以問題，文頌男都盡量作答，他覺得就算有挑釁性的問題也沒所謂，反正他開直播都是用來解悶。
防止自殺求助熱線：
「情緒通」精神健康支援熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
