現年26歲嘅LOONG 9成員冼靖峰「妙音龍子」早前同44歲女歌手方皓玟傳出緋聞，二人年齡差距大到可以做母子，唔少人都覺得難以置信。今日妙音龍子出席無綫節目巡禮時再次回應事件。
同場加映： 娛樂 • 神耆小子丨鄭則士稱人紅未必係強籲保持初心 慶幸能變老：下部劇先係我嘅高峰
方皓玟曾在2017及2019年兩度獲得「叱咤樂壇我最喜愛的女歌手」，上月作客TVB音樂節目《J Music》與冼靖峰合唱《分手總約在雨天》，有人撞到方皓玟同Archie喺節目過後約會，齊齊去咗尖沙嘴餐廳食飯，而Archie同方皓玟更成日喺社交平台互動，因此離婚3年嘅方皓玟，傳出與冼靖峰譜「母子戀」。
Archie出席活動時否認戀情：「大家睇得多《東張西望》，想發掘啲新穎、可愛嘅戀情。obviously（明顯地）我同佢當日唔係單獨食飯，畀人cut張相出嚟。當日有其他音樂人，不過費事扯埋其他人入嚟，我都驚影響到小明（方皓玟），我作為後輩都唔想因為呢啲新聞影響到人。」
被問到fans有冇介意，佢就表示fans只係覺得好笑，都冇相信。Archie又斬釘截鐵表示自己係偶像，唔會拍拖：「我依家真係冇諗拍拖，依家做咗idol，發展career，開始接觸唔同範疇，戲劇、主持……develop一段關係要有時間……因為我身份係一個idol，我唔會拍拖。」
被問到有一日真係拍拖，會唔會介意發展姊弟戀，佢就話：「我都唔係好論年紀，投緣，適合時候就可以，唔會刻意set邊界。」Archie又指自己冇每個方皓玟嘅post都like，玩社交平台都好隨意：「返到check下我係咪個個post都like，真係冇留意。」
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】ON: THE BODY 植物萃取潔膚露↓
↓維持水油平衡／雙重呵護肌膚！↓
↓【夏日密密賞☀️】小魚兒海鮮盛宴😍 ↓
↓ 烤魚二人餐 / 龍蝦二人餐 / 炭火風味烤凌波魚 / 澳洲龍蝦！↓
