連鎖健身中心突發結業 人去樓空?港男欲退錢遭拒!職員回覆惹眾怒:強詞奪理

文: 黃樂恩
2024.06.05

近年香港掀起結業潮,許多店舖(如按摩中心、補習學校)無預警倒閉或結業,令顧客所預繳費用難以追討。今日(5日)就有港男於本地討論區,發文控訴一間連鎖健身中心的分店突然閉館結業後,不但沒有主動告知受影響客人,而且繼續收取會費,要求客人自行到其他分店進行健身。港男氣憤不已要求退錢,沒想到職員竟以「合約條款」為由堅拒退費,並揚言道「合約裡面已經寫明,經過律師睇過,唔會俾我將系統裡面信用卡嘅資料刪除」。

該港男在文中提到,指自己經常到荃灣一間連鎖健身中心,以無合約、信用卡月繳方式Join(參加)健身計劃。早兩日事主打算到店內健身時,卻發現店內早已人去樓空,所有健身器材、雜物經已清走,他看後感到一頭霧水,便查看健身中心的社交媒體,才得知該分店於5月31日宣布結業,並在翌日(即6月1日)起停止營業。

事主對此氣憤不已,一來是該健身中心無預警之下結業,並未主動告知受影響的顧客,;二來是健身中心在荃灣分店停止營業後仍然「charge咗信用卡錢」,自動扣除了6月份的會費。事主補充道,稱自從完成舊合約後,便開始使用健身中心提供的APP,每月以信用卡自動繳交會費,並沒有簽新合約。直到最近荃灣分店突然結業,他打算取消自動繳交會費功能時,才發現無法自行取消,「唔比cut card,想點扣錢就點扣錢」。

事主嘗試過找健身中心職員要求退還6月會費,但對方卻以「合約條款規定」為由堅拒退款,隨後更揚言道「唔會俾我將系統裡面信用卡嘅資料刪除」。原本打算少少錢無所謂,但看到健身中心職員的回覆後,他越想越氣:「佢地完全冇真係覺得自己做得好差,唔係真係覺得唔好意思咁」。

同時,事主亦詢問了行內人士意見,絕大部人認為健身中心說法太強詞奪理,「唔通佢話我簽咗約要賣身,佢又真係可以控制我咩,所有野都有灰色地帶,佢地就用啲似是而非嘅『合約』理由去塞住人嘅嘴」。此外,結業消息一出,許多受影響顧客紛紛到健身中心的社交媒體上留言,但健身中心並未多作理會,又把所有FB、IG帖文均設定為「限制留言」,事主直斥此舉分明是「控制埋輿論唔俾講嘢」,於是在網上發文公開今次事件,並在文中詢問網友,「消費者委員會可唔可以攞得返?」、「有冇權利要求佢哋刪除我信用卡資料?」

短短一日,帖文已引來過百網友留言,絕大多數人直斥此舉分明是「存心欺騙」,又指很有可能是該健身中心全線倒閉先兆,認為事主難以追討已繳交的會費,同時又建議他盡快「報失再出過(信用)卡」、「cut卡保平安」。有網友則建議事主可致電到信用卡中心「做爭議交易」、「申請呢筆數做可疑交易」,並向消委會、海關作出舉報。

不過,亦有部分網友認為該健身中心做法並無不妥,「有乜問題,你咪去其他分店囉」、「佢冇執,係叫你去佢其他區既分店」。同時又提醒事主在「cut卡」前,最好還是在查閱相關條款,以免觸犯法例,「你check番有冇呢條條款先,有寫定無寫,件事處理方法已經好唔同」、「可以民事訴訟追你(到)破產為止」。

記者翻查資料,發現除了荃灣分店結業外,原來該健身中心同日亦在社交媒體宣布翠林分店搬遷,搬遷理由與荃灣分店非常相似,「經過一段時間的商討,我們最終未能與業主達成共識。翠林分店將於6月1日起遷至觀塘新址,並為翠林會員提供3個月免費會籍,作為過渡期間的補償」。

難怪有網友看後,紛紛留言「呢間野唔知係咪搭雞棚,將軍澳果間都執左,都係同一個理由」、「執笠點會即日先知,一定早有預謀啦」、「呢類店鋪執笠係完全無預兆」,又指最近有許多「fitness都係玩突然執笠」,直言只有到政府轄下健身中心才是安全之計,「康文署或成最大贏家」、「LCSD(即 康樂及文化事務署)唯一出路」。

來源:LIHKG討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【6月限定雙重賞🎉】!↓

↓ 分享打卡靚相即免費送📸↓

↓ 分享打卡靚相即免費送📸↓