家居達人|專家教路!寵物護理 7 大必知 無痛剪狗指甲+正確沖涼手法+剪毛注意事項

文: U Magazine
2024.06.07

踏入春夏季,香港天氣又潮濕又炎熱,人類都覺得辛苦,更何況毛茸茸嘅貓狗呢!今集家居達人請來專業寵物美容導師教大家點樣為毛孩提供最理想舒服嘅居住環境以及進行日常和轉季護理,連主人最頭痛嘅剪指甲、刷牙、剪毛同沖涼統統都會一一示範!

============
【家居達人】專家教路!寵物護理7大必知 無痛剪狗指甲、正確沖涼手法、剪毛注意事項

============

國際專業寵物美容學院資深導師—鄧老師
(日本佐山學園Asia動物專門學校海外導師、超過十年教授寵物美容經驗、香港都會大學(HKMU)寵物美容顧問及導師、香港青年協會持續進修中心寵物美容導師、日本ペットスタイリス協会(PSIA)認證A級導師、台灣畜犬協會(KCT)公認指導手資格)

Q.在家中幫寵物沖涼的基本步驟及注意事項?答︰如果喺屋企幫寵物沖涼的話,先因應狗狗皮膚和毛髮狀態選擇天然成份的沖涼液和護毛素,減少狗狗皮膚敏感的機會。另要睇清楚沖涼液上的正確用法,無論用什麼沖涼液或護毛素都要按摩進皮膚上才能徹底清潔。

最理想的水溫應在 39 度左右,視乎家中有無開冷氣去調節水溫。另外如寵物較害怕水聲或水壓而令精神壓力增加的話,可以用浴盆代替直接用花灑沖。

記得狗狗的鼻孔和耳朵都要避免入水,面部和耳朵附近可用海棉沾水清潔代替直接用花灑沖。因為如果鼻孔入水會令狗狗濁親,如果耳朵入水有機會引致發炎。所以在幫狗狗沖涼後可滴少量耳水入耳道,幫助狗狗甩出水份,再仔細抹乾外耳避免水份積聚,減低發炎的機會。

沖涼手法應溫柔地搓揉毛髮,避免用指甲刮到皮膚。

Q.在家中幫寵物剪指甲的步驟及注意事項?答︰首先要令狗狗對嗰樣工具有一個歡樂嘅概念,先認識工具,令牠們覺得指甲鉗等於零食獎勵,從而建立指甲鉗同零食係一齊出現,令佢對嗰樣嘢冇咁恐懼嘅時候就會樂意去接受剪指甲。

如果主人第一次幫佢剪可以試吓先修剪腳甲最前端位置,剪少少個啄啄令狗仔同埋主人都冇咁驚先。狗狗血管位於腳甲正中間,修剪時分三個方向修剪,先平剪剪走腳甲角邊,再打斜兩邊去修剪,咁就可以預防一下子就剪到佢嘅血管。

狗仔腳甲嘅顏色主要有三種︰黑色、白色、啡色腳甲。我哋修剪時其實可以藉由觀察腳甲剪完之後嘅橫切面去評估佢嘅血管大概去到邊度。如果係一啲冇用嘅廢指甲,剪完你會見到橫切面會呈白色粉狀。嗰啲就係可以剪走嘅腳甲,一路剪嘅時候你會發覺白色嘅粉中間會有個細細地好似個芯咁樣嘅。芯顏色等於腳甲顏色(黑/象牙白/啡色)

主人如果自己剪嘅話,你可以剪到個芯露出嚟就得喇。因為嗰個芯就係血管周邊嘅腳甲。如果你見到嗰個芯已經差唔多填滿晒成個腳甲嘅橫切面,而你又繼續剪落去嘅話就會有機會引起狗仔流血喇!

Q.在家中幫寵物修剪毛髮的步驟及注意事項?主人在家中幫寵物修剪毛髮前要先瞭解所用工具的安全要點和正確使用方法,避免寵物受到不必要的傷害。坊間都會有啲狗主班教授主人去護理自己的狗狗,例如我哋學校都有一啲免費教人揸鉸剪的課程。

第一堂就會教主人如何正確運用鉸剪、揸鉸剪的手勢以及直剪、牙剪及彎剪的不同用法。第二堂就會教主人如何在狗狗的毛髮上穩定修剪、練習平衡、練習如何修剪平面及圓弧。有部分主人會選擇在夏天時剃短寵物的毛髮,但這個做法我們就不太建議。

當寵物毛髮在梳理好的情況下,其實可以起調節體溫的作用,避免身體過熱。如果剃短咗佢嘅毛髮,陽光就會直接接觸到寵物的皮膚,反而會令狗狗更熱。

另外有一些雙層毛髮的品種(哥基、松鼠狗等),剃短牠們的毛髮後會引起名叫 Coat Funk 的剃毛後遺症,令毛髮質量變差或無法生長。

【INFO】
國際專業寵物美容學院
地址︰香港西灣河筲箕灣道 38-44 號華堂大廈 1 字樓 1-2 室
開放時間︰12pm-7pm (逢星期二休息)
電話︰6232 6466 
電郵︰info@groomingschool.com.hk
網址︰www.groomingschool.com.hk

Text/Yuen
Photo/Ricky、Pinterest

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【請您去】海洋公園水上樂園💦!

↓ 立即登記 送雙人門票↓

↓ 立即登記  送雙人門票↓

↓【限時搶⚡】味道研究所拿坡里薄餅味Shake Shake粉🍕↓

↓ 想幾時食到薄餅味,拎起一Shake,即時食到!↓

↓ 想幾時食到薄餅味,拎起一Shake,即時食到!↓