34歲林芊妤（Coffee）自離巢TVB轉型成為瑜伽KOL，性感又健康嘅形象男女通殺，人氣非常高。Coffee不時都會喺社交平台分享生活小逸事，日前佢就「公審」佢嘅直男老公翟志榮（老肉）嫌棄佢送嘅禮物，唔少女網民都留言話好有共鳴。
同場加映： 中年好聲音2丨譚輝智為仔女做好榜樣追求成就 公開得獎感言：勿讓渺小顧慮成絆腳石
日前係Coffee老公老肉嘅生日，Coffee就好有心思咁為佢送上名牌旅行護照袋，事關老公舊嗰個終於都用唔到，佢留言：「這個旅行護照袋，是由老公從小用到現在也沒有更換過，以前有叫過他把這個袋換掉，他說：『有一天你又老又殘我也要把你換掉嗎？』好吧我沒話說了🌚然後最近他的「初戀」拉鍊破掉報銷了，我終於找到機會啦！一定要好好記錄這個歷史性一刻。」
片中見到老肉一開門就問佢「咩嚟呀又」，睇嚟都唔想老婆太破費，之後就打開不停檢查，指呢個新袋嘅拉鍊唔好用，多次話唔要，又指舊護照袋係佢嘅「luck」（幸運符）。Coffee就不停推銷，就指佢舊嗰個已經爛到用唔到，然後一手就掉走。而老肉始終都好猶豫，唔太想要，不停問買咗幾多錢，不過Coffee就講咗善意大話：「好平，我識人，有折，千幾二千蚊咋。」然而其實佢使咗$7,900購入呢個BV旅行護照袋，佢話絕對唔可以畀老公知道咁貴。老肉就叫老婆畀收據佢睇，之後仲上網搵：「我唔要呀真係……三千蚊？八千蚊？」
Coffee之後指自己老公暫時未拎去退貨，網民都留言大讚佢老公樸實，個性好好：「（舊袋）Ansett Australia - 間航空公司都執咗好耐啦；你老公真係好長情。我諗佢寧願你幫佢整返個拉鏈佢仲開心。」Coffee就回應：「應該係，但佢唔知道我等咗條拉鍊爛等咗幾耐⋯⋯⋯⋯⋯」又有人指佢應該同老公一齊揀，不過Coffee就話老公一定會話唔要。其實老肉長情都唔係第一日嘅事，而佢嘅囝囝彥彥都遺傳到呢個優點，之前Coffee將一張舊枱丟棄，換過一張新嘅畀囝囝，佢都係非常之唔開心，只想要番舊枱，畀重情嘅男人包圍，Coffee好幸福呀！
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
