前TVB新聞主播丨麥詩敏出書圓夢分享主播薪酬秘聞 待嫁新娘爆婚期零緊張:唔使減肥

文: 余美鳳
2024.06.08

前TVB新聞主播麥詩敏(Gloria)自從去年離巢後,以KOL的方式在IG拍片分享不少主播的小故事,更邀請埋藝人爸爸麥振江一齊「父唱女隨」,吸引不少網友追看,相當有趣。Gloria坦言過往收到不少人對主播背後生活的私訊查詢,所以決定一口氣將大家的疑問撰寫成書逐一解答,第一次出書的她大感興奮,希望這本《新聞主播工作實錄》能夠滿足大家的好奇心。

同場加映:中年好聲音2丨譚輝智為仔女做好榜樣追求成就 公開得獎感言:勿讓渺小顧慮成絆腳石

Gloria去年6月正式離開TVB,暫別她長達8年的新聞女主播生涯,一向活躍社交平台的她回復自由身後,大方分享一直以來相當神秘的主播生活。近日,她宣布正式推出首本著作《新聞主播工作實錄》,並留言說:「2024年6月適逢離開工作八載的主播崗位一年,我的新書《新聞主播工作實錄》正式推出。本書記錄八年所見所聞、心路歷程,大家IG成日問我嘅主播人工、打風工作安排等,書本中為你一一拆解。今次好開心有機會把我的經歷寫成書,和大家分享,寫書一直在我的bucket list(願望清單)上。一年前的今天驟然離開舒適圈,百感交集,一年後的今天諗到冇諗過會有自己的書面世,期待更多更多更多的不可能。」

Gloria接受本網電話訪問,她表示主播出身的她一向鍾意寫作,今次著作感覺似將自己過往八年主播生活的一本日記簿,「感覺呢本書係隨時睇番,都會有好甜蜜、好開心嘅回憶,所以出版社邀請我出書,我好爽快就答應。當然,書入面嘅內容同IG影片好唔同,因為始終影片長度有限,書嘅內容會豐富好多。」問到有沒有邀請到爸爸麥振江寫序?她說:「第一個當然搵爸爸寫序,書入面都有提到爸爸,佢對我嚟講係好重要嘅人,一定要放喺序入面,除咗爸爸之外,仲有幾位資深傳媒人,大家密切留意下。」

 

離開主播枱一年時間,Gloria坦言經歷很多新事物,「以往八年生活比較單調,做開係舒適圈嘅嘢,做慣做熟,跳出嚟之後,接觸拍攝、活動同KOL等等工作,全部都係以前做唔到嘅嘢,拍節目性質都好唔同,試過同藝人拍綜藝節目,以前自己一個望鏡頭報新聞,所以我覺得所有遇見都係好唔同。呢一年過得好快,開心,希望嚟緊更多新挑戰。」她希望有意從事新聞工作的學生們都可以先透過書籍去了解主播的生活,是否適合自己,「之前有套關於主播嘅劇集出街,我都想借呢個機會分享多少少行業細節、經歷同感受,始終電視劇內容因劇情需要會比較戲劇性,我就會將真實所見所聞分享畀大家睇。包括大家最感興趣嘅主播人工幾多、出鏡費、打風點安排等等,書入面有睇到,值得去睇睇!」

完成出書的人生大事,Gloria結婚的人生大事又幾時舉行?Gloria去年5月IG宣布接受男友求婚,一年多來都跟未婚夫努力籌備婚禮,她表示:「九月結婚,而家仲有幾個月時間,心情又唔算緊張,可能因為距離求婚都有一段時間,有充足嘅時間準備。(減肥?)唔使減肥,反而想增肥,肥番少少有啲肉,著婚紗冇咁骨感好睇啲!」實在令人羨慕。

 

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】「唧唧裝」驅蚊劑!↓

↓滿分好評!一支驅蚊+防床蝨~↓

↓滿分好評!一支驅蚊+防床蝨~↓