港男旺角居酒屋用餐怒斥2宗罪:一支烏龍茶收$50開瓶費!網民:規矩唔會唔知掛

文: 梁穎心
2024.06.12

居酒屋都有限時?有網民在社交平台分享自己在香港居酒屋的不快用餐經歷,稱居酒屋設有1.5小時用餐時間、店員態度差、在落單後方告知最低消費等。網民控訴店家最誇張的是「我自己帶咗支烏龍茶去,開咗之後佢竟然同我講要收$50開瓶費。」帖文引來一眾網友討論,有人提醒居酒屋必定飲品是不成文規定,加上最低消費金額不高,道理在店家,另一邊廂有人撐樓主,不應設用餐時間。

日前有網民在Facebook群組「飲食黑店大全」發文,講述自己在旺角居酒屋的不愉快用餐經歷,兼控訴餐廳2大罪狀。網民指居酒屋用餐時間短,在點餐後方告知最低消費,店員態度差,特意發文提醒其他食客。參考Google評論,該食肆有4.2分,評價不俗。

網民指自己早前與朋友在平日晚上惠顧,當時食肆內只有一枱客,但甫入內就被告知用餐時間限時1.5小時。另外,網民指店員「一開始冇講過有最低消費」,他們點了幾個約$70-80的餐點,店員其後見他們沒有點飲品,「好唔客氣咁樣過嚟同我哋講,要最低消費$90  同我哋講一定要嗌嘢飲。」因態度不佳,引來網民不滿。

網民續指,起初不知道該居酒屋的最低消費,自攜了一支烏龍茶飲用,最後卻被餐廳收取$50開瓶費,令他大為不忿。於帖文中憤慨表示:「你話紅酒香檳開就合理啫,我一支道地烏龍茶你都同我收錢。」

帖文旋即引來其他網友熱議,不少人同意居酒屋不應設用餐時間,更有人直言「開居酒屋但只准坐90分鐘?開快餐店好過啦。」、「一坐低就話只准坐9O分鐘那一刻,便應轉身走啦。」至於服務態度,就出現兩派網民留言,有數人留言曾遭到不禮貌對待,但同時有人大讚「我去好好service又唔會話趕人走咁wor」

針對樓主自攜烏龍茶被加收$50開瓶費,網民亦有提醒香港餐廳大多不准帶外來食物及飲品,加上酒水是居酒屋重要盈利來源,所以有潛規矩每人低消一杯飲料。留言區不少人好奇最後是否有收取「$50開瓶費」,亦有人認為收取開瓶費行為太誇張,質疑能否先口頭勸阻樓主減低衝突與不良觀感。

雖然理解為了保證營業額,餐廳設最低消費和必須點飲品,不過網友建議將相關告示貼在店內顯眼處,以免日後再發生同類事件。

來源:Facebook、Google、TVB劇集截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】請您食卡樂B Potaland® 酸忌廉洋蔥味薯片!↓

↓ 濃郁開胃的酸忌廉味 + 香氣四溢的洋蔥味!↓

↓ 濃郁開胃的酸忌廉味 + 香氣四溢的洋蔥味!↓

↓【限時搶⚡】勁送小牧味屋高鈣梳打餅套裝!↓

↓ 一套6包:芥末味 / 蕃茄味 / 黑芝麻味!↓

↓ 一套6包:芥末味 / 蕃茄味 / 黑芝麻味!↓