巨塔之后丨張可頤臨時辭演醫版《新聞女王》 同卡士「死敵」執二攤網民呻失望

文: 余美鳳
2024.06.12

無綫早前公布跟優酷聯合製作醫療題材劇《巨塔之后》,由《新聞女王》總監製鍾澍佳擔大旗,被喻為醫療版《新聞女王》。早前有指卡士方面有回歸無綫嘅張可頤,唔少觀眾都好期待,不過原來張可頤已經辭演,由另一位同level嘅女演員頂上。

同場加映: 父親節快樂| 鄭俊弘兒患天使綜合症最享受沖涼 感激囝囝:佢令我學識活在當下

昨日傳出張可頤已辭演《巨塔之后》,有指開工以來都未見佢蹤影,原本《巨塔之后》卡士有張可頤、陳煒、劉佩玥、陳展鵬、吳若希與馬國明等。《巨塔之后》今日於佛山舉行開鏡儀式,公布女一為宣萱,同樣份量十足嘅宣萱雖然係臨時「執二攤」,不過今日仍心情大靚,仲騷出開工利是,容光煥發;而主演陳展鵬同客串嘅的馬國明等亦有現身開鏡儀式,齊齊切燒豬,祈求拍攝順利。

雖然宣萱同張可頤卡士差唔多,但臨時換角,網民讚同彈嘅聲音都有,有人就表示覺得宣萱更合適,令人更加期待;亦有人想始終想睇好耐冇喺TVB出現嘅張可頤,留言:「雖然不是我最期待的陣容,臨時換了女主超級可惜,但是幕後班底我喜歡,演員也都挺好,祝《巨塔之后》開機大吉,拍攝順利,期待早日播出!」

 

宣萱比張可頤早一年出道拍攝電視劇,1993年參演首部電視劇集《千歲情人》;而張可頤則參選1994年香港小姐競選入行。張可頤同宣萱1997年曾合作拍電視劇經典《難兄難弟》,當年二人年紀相約,而且都係鬼妹仔性格,經常被拿作比較,有傳因此二人都「唔妥」對方。當年宣萱被傳媒追問為何劇集《難兄難弟》未能如期煞科,佢直指因為張可頤經常遲到而拖慢進度,而張可頤亦隨即反擊表示因為宣萱經常大笑而NG,火藥味濃。同年開拍的電影版《精裝難兄難弟》 亦兩個只能活一個,將宣萱角色改為由舒淇演出。

張可頤同宣萱不和傳聞傳出後依然合作拍《美味天王》,不過兩人的角色都因為各自有各自的感情線,同場戲份極少,更傳出兩人自此拒絕再合作。直到張可頤於2005年患抑鬱症兼甲狀腺功能亢奮要停工休息兩年,大病一場之後,她決定要重拾健康和放低執著,近年更高調談及過往的恩怨:「其實說聲對不起就好的事情,以前真的太容易失控了。」兩人於2019年於宣萱參演嘅舞台劇《大辭職日》後台世紀合照「大和解」。張可頤亦曾作出澄清:「從來係我覺得係新聞嘅渲染係非常之娛樂性嘅,我鍾意嘅。當時我好細個嗰時就唔明,但係娛樂性嘅新聞就係要咁娛樂性!咁你話我同Jessica(宣萱)係咪真係話火爆到要打架咁滯呢?根本就唔會有呢啲事囉!我唔知點樣解釋好啦真係。」

傳張可頤拍無綫醫版《新聞女王》 離巢12年投港視曾被指「叛將」

圖片來源:Instagram、微博

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送飛🎟️】請您去《UNISON FEST潛台祭》🎧!

↓ 暑假最強音樂祭!睇KOLOR、Kiri T、雷同二友...↓

↓  暑假最強音樂祭!睇KOLOR、Kiri T、雷同二友...↓

↓【限時搶⚡】位元堂美肌養顏糖水套裝 ↓

↓ 養血安神並潤膚美肌 / 從內而外煥發光彩!↓

↓ 養血安神並潤膚美肌 / 從內而外煥發光彩!↓