洪永城（Tony）近日完成《執法者們》拍攝工作，而太太梁諾妍（Inez）在《家族榮耀之繼承者》中有激情戲終於告一段落，終於可以唞唞氣，重投家庭生活，Tony努力做Gym強身健體，Inez亦繼續練跑，事關要照顧兩個女兒Amber及Beryl，加上大女狗狗Molly，少啲體力都唔掂。Inez近日分享到細女Beryl的身體情況，網友們都大感憂心。
同場加映：父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下
洪永城與太太Inez於2021年結婚，同年生咗大女「Sir Face」洪靖嵐（Amber），今年細女Beryl出世，細女Beryl更獲網民封「Sir Face 2.0」，一家大細都好似樣。Inez不時在IG分享一家人合照，特別是兩個女兒之間的互動，Amber溫柔地撫摸又錫錫妹妹，非常有愛又甜蜜，而Beryl又相當好肉地，肥嘟嘟圓碌碌，網友們都大讚好得意。
近日，有網民發現Beryl的照片中，見她的眼肚位置疑似有「傷口」，Inez解釋原來紅點是「士多啤梨痣」。「好多人都問我妹妹隻右眼下邊咩事，係咪整親？其實唔係啊！個紅點係士多啤梨痣，俗稱血管痣／血管瘤，係胎記嘅一種，出世2至4星期後出嚟的，頭一年會增長得特別快。係呀，係會變大的，不過醫生話一歲後會慢慢收返（番）細，到４至５歲就會完全冇晒。而家早晚都要用藥水敷住個位置，等佢唔好增生得咁快，因為有啲真係增長到好似士多啤梨咁大粒！阿妹就麻煩少少，因為近眼睛，如果佢變大有機會影響視線，而家希望用住藥水，唔好令佢增長得咁快。大家有心了，除咗呢樣，佢食得瞓得屙得，好精神好健康！」
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
