陳豪與陳茵媺兩公婆一直又sweet又恩愛，本月11日是二人結婚11周年紀念，他們撇低仔女去韓國旅行二人世界。陳茵媺分享他們在當地拍攝的韓式沙龍相，但陳豪在韓式審美下竟然被P成白面男，跟他在當地被野生捕獲的生圖完全兩個人！
同場加映：父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下
陳茵媺在IG分享夫妻在韓國影樓拍攝的靚相，慶祝結婚11年，她更入鄉隨俗以韓文留言「사랑해요（我愛你）」示愛，更稱老公陳豪做oppa。
相中，二人拖住手深情對望，頭髮同樣被P成淺啡色。攝影師對陳豪的「執相易容」明顯相當重手，變成韓國idol白皮膚，白到面無血色，連眼袋、眼紋都通通執走，變成零瑕疵oppa，不知道還以為是cosplay《吸血新世紀》（Twilight）男主角。網民指若非陳茵媺在旁，根本認不出陳豪：「陳豪個樣有少少怪喎」、「應該係執相執過龍，韓國有啲可以執到好膠」、「本身靚仔啲」、「爽身粉搽上頭?」、「變咗陳公公」等。
此外，不少內地旅客在韓國野生捕獲陳豪夫婦，紛紛放合照上網「曬命」，他們不約而同大讚兩公婆超親民，食住雪糕都肯合照，陳茵媺更幫手揸機影相；只見陳豪有一大袋購物袋，似乎是老婆的戰利品。在網民生圖下，陳豪終於回復大家熟悉的樣子，比韓式沙龍相自然得多；而素顏的陳茵媺依然keep住靚女。小紅書網民笑指陳豪戴住cap帽及眼鏡，造型竟然頗似《東張西望》何伯！唔少人更笑言看到評語後已經「番唔到轉頭」，一見他便想起何伯。
圖片來源：小紅書、IG
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
