由麥美恩（Mayanne）主持的清談節目《Mayanne小喇叭》，明晚（15日）一集邀得《東張西望》六位女神吳幸美、李旻芳、何沛珈、梁敏巧、陳懿德（德德）及黎寬怡（貓仔）分享採訪辛酸史。
同場加映： 父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下
六位「東張女神」輪流講出自己勝任《東張》主持崗位的重要元素，李旻芳自覺勇字行頭，甚麼都肯做；梁敏巧和德德入行前同樣做過記者及小編；貓仔笑言可能樣貌與元祖級「東張女神」吳幸美相似，不時被認 錯為對方；何沛珈更公開面試時監製其中一條問題：「佢問我驚唔驚曱甴、老鼠，我話連屍體都唔驚。」自認夠貼地、在街坊心目中似女兒般親切的幸美，對於當年試飲「斷片酒」成代表作，幸美坦言曾擔心被指扮醉，澄清當時真的喝醉了：「條片係想嘗試話畀大家聽，女仔飲咗酒有機會有危險，後尾條片被政府買咗嚟做宣傳教材。」
談到《東張》主持不時要深入「鼠」穴及曱甴屋採訪，貓仔和梁敏巧曾體驗老鼠和曱甴發出的360度「環迴立體」聲效，而且已懂得分辨垃圾、曱甴屎及死老鼠的氣味。提到追訪期間不時遇上驚險事，旻芳透露有次到圍村拍攝，攝影師遭惡人叉頸兼粗言穢語問候，對方更即場恐嚇她，旻芳坦言當時覺得生命受到威脅：「第一次拍嘢拍到腳軟！但當時做緊嘢已入咗working mode，就算佢哋咁樣對我哋都繼續。」
貓仔則憶起到元朗大橋街市採訪「蛋蛋姐」經驗，當時有指「蛋蛋姐」曾擸刀刺大伯，而且檔口總插著一把菜刀，故採訪帶有一定危險性，貓仔說：「當時要確保電視框入面見到我同佢，又唔可以被佢拮到，睇住有咩動靜要即刻彈走！」多次在屯門採訪至報警收場的梁敏巧，笑指在該區警署「File成呎厚」，她透露採訪大媽聚集公園賣唱時，不但遭疑似忠粉叔叔爆粗恐嚇，對方更動手推跌攝影師，並在攝影師身上抓出多道血痕：「我哋唔會主動報警，除非人身受到傷害，或有人犯法，通常係當事人報警話我哋騷擾佢，所以要記低資料。」旻芳透露母親常為其工作感到擔憂，說到此處不禁哽咽道：「每次節目出街後都會問我有冇事，聽到媽咪咁講…我哋做嘢雖然係好辛苦，但幫到人覺得好值得。」
《東張》亦會為有需要人士作出器官捐贈呼籲，並曾促成好事。幸美曾採訪一名20多歲女子，因心臟有事一直等待移植機會，其痴情男友一直在旁守護，並希望手術成功後與她結婚，幸美憶述：「節目出街後真係有人捐心，亦冇排斥，佢哋最後結咗婚、組織咗好好嘅家庭，好感動，我哋《東張》幫到人。」曾任護士的何沛珈，入行後曾感到迷失，加入《東張》後找回初心：「原來做artiste可以透過另一份工作去幫到人，搵番個意義出嚟。」
「東張女神」正義感夠煞食之餘，她們的貼身、小背心造型亦經常備受網民關注，錄影 當日梁敏巧一如以往穿開窿上衣亮相，德德吊帶裙亦十分吸睛，令Mayanne不禁問「東張女神」是否有dress code！
圖片來源：大會提供
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
