性女港姐林鈺洧密密上門訪馬清揚豪宅 與前妻錢慧儀結婚27年擘面打官司

文: 余美鳳
2024.06.17

現年29歲港姐冠軍林鈺洧(Denice),昨日被傳與大生銀行後人馬清揚暗交,不時被揸名貴跑車進出男方位於山頂豪宅;而男方就正與前妻錢慧儀打離婚官司。

 

同場加映:  無人之境│周國賢離婚後未有膽量再闖情關 周家怡曾愛得盲目變奴隸被嫌棄

「星二代」兼港姐冠軍林鈺洧當選後一直是非不斷,早在數月前社交界已傳出與名人馬清揚交往,更指二人感情迅速發展,不時雙雙出席朋友聚會,完全冇避忌。據知,Denice越搬越富貴,出入以名車代步,連日嚟Denice都被影到多次自行駕車出入馬清揚屋苑,但都唔會過夜,短叙後就會返到自己北角寓所。

錢慧儀與馬清揚婚後育有兩子一女,人前表現十分恩愛,馬清揚經常陪太太飛往世界各地搜羅靚傢俬,而男方喜歡賽車,錢慧儀又會陪他四處出賽,係名媛界、Ball場的模範夫妻。錢慧儀2018要求離婚後,二人透過律師溝通,曾想和解。男方表示,每個月仍然有支付生活費給對方,包括18萬基本生活費外,另有30多萬的信用卡簽帳額,苦笑表示錢慧儀的生活過得比他優渥;也透露錢慧儀受到家事影響,情緒壓力巨大,要花錢才感快樂。馬清揚續指,近年錢慧儀情緒起伏較大,錢慧儀曾自揭遭家暴,馬清揚亦稱在言語、行為上都受過暴力對待,被「質咗兩槌」。錢慧儀承認馬清揚仍然有支付生活費,但金額十分少,而對於家暴一事,佢驚訝表示自己唔會咁,指有人虛構。上年佢離開法庭時感慨表示離婚官司已「搞咗6年」,希望盡快完結。

 

 

 

林鈺洧父親為80年代小生林俊賢,父母早已分開,長大之後先再見番爸爸。林鈺洧小時候家境一般,13歲已搬離屋企,靠幫人補習及做侍應過獨立生活,2015年因為親戚的引薦簽約成為熊黛林師妹成為model,可惜一直工作量唔多。早年加入ViuTV並於星座節目《對號入座》分享性史,內容露骨,因此被封性女。林鈺洧自爆有過五位性伴侶,其中天蠍男在持久力和招式量上都最令她滿意:「佢唔止靚仔,高大,喺床上有好多招式同持久,如果需要同天蠍座嘅男仔發生關係,係需要好大體力,佢會將妳反嚟反去,翻天覆地咁,好暈,流晒汗。」 林鈺洧又在在節目中自爆曾有一名雙魚座男友,但對方連褲還未除已經早洩,並指對方的性愛耐久時間是0秒及3秒。

Denice曾表示自己分享性史不代表自己對性開放:「我只係喺節目分享唔同星座男伴嘅性經歷,其實我對男女關係好傳統,要拍拖後先可以發生關係。」 而被封為 「性女」 後,Denice表示曾收到爸爸林俊賢的安慰:「佢叫我大方啲去講,話『你又唔係搶人老公,又唔係周圍玩一夜情,或者做啲缺德嘅嘢,好多騷都講呢啲題目。』令我心情舒暢番晒。」

圖片來源:Instagram

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送飛🎟️】請您去《UNISON FEST潛台祭》🎧!

↓ 暑假最強音樂祭!睇KOLOR、Kiri T、雷同二友...↓

↓  暑假最強音樂祭!睇KOLOR、Kiri T、雷同二友...↓

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓