為防止市民逃票，不時都會有職員現身港鐵或輕鐵查票。繼早前屯門輕鐵進行大規模查票後，最近港鐵又再派員前往同區駐守，直至入夜後仍有不少職員在月台站崗，令居民頗感驚訝嘆「咁夜都仲check」？都有網民表示支持，贊成「加強捉搭霸王車」。
今年4月大批港鐵職員於早上時段，現身屯門各個輕鐵站，進行大規模查票，其中兆康站更出動超多「小黃人」，在月台上密集式駐守，有市民估計現場有超過50名職員，直言陣容誇張。
相關文章：
屯門安定、兆麟、蔡意橋等輕鐵站查票
昨晚（19日）再有市民留意到，多個屯門輕鐵站再有不少港鐵職員駐守，當中包括安定站、兆麟站、蔡意橋站、澤豐花園站等。有居民表示，自傍晚5時多已有職員在輕鐵站月台向市民查票，直至晚上9時多，多個輕鐵站仍然見到職員小隊身影。
不少居民對「溫馨提示」感到貼心，同時認為港鐵職員「好勤力」、「咁夜都仲check」、「平時咁夜佢地收哂工㗎啦喎」，有人就笑指「早上熱阿嘛」、「跑KPI」。都有網民就支持港鐵行動，「搭車買飛不是應該的嗎，幾時香港變到逃票逃得咁理所當然」、「贊成加強捉搭霸王車，目測經常有人不拍卡」。據指當日有多名市民「中招」斷正被罰。
▼網民留言▼
港鐵指引：輕鐵乘客逃票罰款$370 拒交最高罰$5,000
根據港鐵指引，顧客服務及收益保護隊不定時巡察車廂，若發現逃票乘客，會登記有關乘客個人資料及開罰單，乘客須於指定輕鐵客務中心繳交罰款，金額為$370（大小同價）。
港鐵車站職員及「查票組」職員每日不時會於港鐵範圍內進行查票工作。若職員發現乘客違規，會要求乘客繳交附加費。若乘客拒絕繳交附加費，港鐵公司則會考慮採取法律途徑追討，包括最高罰款$5,000（大小同價）及檢控。
資料及圖片來源：Facebook@真·屯門友（帖一）、Facebook@真·屯門友（帖二）、Facebook@真·屯門友（帖三）
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】請您食卡樂B Potaland® 酸忌廉洋蔥味薯片！↓
↓ 濃郁開胃的酸忌廉味 + 香氣四溢的洋蔥味！↓
↓【夏日送禮】送麒麟一番搾啤酒及夏日和風禮品套裝！↓
↓登記即有機會攞禮物番屋企↓
