中年好聲音丨周吉佩率「喊包三兄弟」太太表演 顏志恒勁舞 律師魏嘉信爆肌

文: 余美鳳
2024.06.23

《中年好聲音》第一屆的十位成員周吉佩、李佳、羅啟豪、吳大強、支嚳儀、龍婷、林鉫徫、魏嘉信、丁文俊和顏志恒一連兩場「一班好聲音『十』力無限演唱會」昨晚在旺角麥花臣場館舉行,十位各自的粉絲帶備燈牌興奮到場,雖然十位不同風格又不同年紀,但率先要勁歌熱舞炒熱全場氣氛!

今次演唱會以突破為主題,年紀最大的吳大強挑戰MC $oHo & KidNey的《係咁先啦》,又用結他自彈自唱Maroon5的《Memories》,相當厲害。而一向斯斯文文的丁文俊和魏嘉信花60日瘋狂操肌,在他們的環節中大方擲開打底衫,爆肌示人,見到兩人的胸肌同腹肌都相當明顯結實,絕對是努力健身的成果。而支嚳儀、龍婷、羅啟豪、李佳、顏志恒及周吉佩都有各自的跳舞環節,相當賣力,同樣引起全場觀眾的尖叫聲,氣氛相當熱鬧。

周吉佩、顏志恒及魏嘉信一向被封為「喊包三兄弟」,他們三兄弟勁歌熱舞連場,《今期流行》、《忘情森巴舞》等都展示他們合拍的一面,沒想到中途三位的太太都一齊登場跳舞,周太黃彥欣、顏太Fion及魏太Jammy的舞蹈不輸幾位,周吉佩搞笑形容她們三位可以原地出道,連女團組合名都已經改好,就叫做「愛夫堅」,事關三位太太都愛丈夫之餘,為他們打點一切絕對夠「堅」。表演完畢,三位的小朋友都有上台獻花,三個家庭12人大合照,相當難得。

 

 

當晚,《中年好聲音2》的古淖文、譚輝智、顏米羔及黃劍文都有擔任嘉賓,他們除了各自獨唱外,還有合唱《當年情》及《廣播道Fans殺人事件》,將《廣》的歌詞刻意修改照Rap,不過四位望實提詞機都連番甩嘴,認真失威!

完騷後,「喊包三兄弟」接受訪問,他們表示難得演唱會能夠合作,所以邀請太太們都一齊參與,周吉佩說:「起初有遲疑嘅,但今次真係好難得機會,只係短短一環節,三位太太就齊齊答應。提到Jammy平日較為斯文低調,魏嘉信說:「兩位太太支持,佢跟晒佢哋,有時佢哋三個太太去咗邊,我哋都唔知嘅。佢哋見面仲密過我哋三個,有時要太太話番畀我哋知兄弟之間啲嘢!呢件事三兄弟、三位阿嫂、三個家庭咁樣上台,真係唔係話想就做到,真係好珍惜。」顏志恒表示太太們只能密集式在短短兩日時間排練,絕對是一個大突破。

 

提到魏嘉信爆肌,周吉佩和顏志恒坦言已經「備戰」狀態,吉吉不排除年底個人演唱會會騷,而「瘦底」的顏志恒稱腹肌已備,但胸肌還未「建成」,要先努力增磅,魏嘉信笑言:「佢哋之後輪流騷肌,咁我哋就會變爆肌三兄弟喇!我Keep住冇問題,佢哋要努力!」他表示開騷前兩日,教練教他要飲威士忌作最後谷肌,問到操到弗加上威士忌,會否跟太太再努力「造人」?他表示為綵排真的太忙碌,而太太們表演之餘又要顧他們及孩子的日常,真的沒有時間。

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送飛🎟️】請您去《UNISON FEST潛台祭》🎧!

↓ 暑假最強音樂祭!睇KOLOR、Kiri T、雷同二友...↓

↓  暑假最強音樂祭!睇KOLOR、Kiri T、雷同二友...↓

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓