TVB Plus（82台）靈異節目《直播靈接觸》昨晚（25日）一集邀來視后江美儀和《通靈之王》第一季冠軍「裸泳」羅泳嫻擔任嘉賓。主持梁思浩與江美儀相識多年，梁思浩於節目中更笑言第一次見到江美儀時以為她被鬼上身。而江美儀就大爆修行地藏經，曾造就靈體搵上門求助。
節目中，羅泳嫻以自己設計的塔羅牌測出美儀姐的前世今生，隨即依牌直說：「你前世做過有錢人，做過幫窮人嘅人，亦都做過容易同人爭執嘅人，你對上一世有可能第二次世界大戰過身嘅人。」江美儀聞言即時點頭，原來有師傅講過同一番說話，美儀姐再露出頸上的胎記，師傅說胎記位置便是美儀姐前世受致命傷的地方！
羅泳嫻續說：「你二戰時捱餓都會犧牲自己去幫人，呢樣好加分，所以你今世生得靚同埋名成利就，你今世嘅任務係淡薄名利。因為你任務係淡薄名利，所以（個天）更加畀你，你依家隨住年齡增長，你會愈追求平和嘅感覺，但係工作就咁追住嚟畀你，所以你唔使擔心冇嘢做！」其中一張牌是「歡慶牌」，該牌與修行念經有關，事有湊巧原來美儀姐正在修行地藏經，羅泳嫻說：「你愈修行智慧就愈高，所以好多靈體會搵你幫手，因為佢哋唔知點做，搵你靈體有一種特點，就係比較執着唔識走。」
梁思浩講到：「以前友台拍劇係喺清水灣製片廠拍攝，化妝間同廁所都好陰森，當時我同陳煒拍緊另外一套劇，夜晚點幾鐘我入到化妝間，喺最尾嗰度見到有個人喊，我話唔係咁猛嘛？我行近啲睇，佢仲喺度抽搐喊緊，之後聽到有呼吸聲，即係係人嚟啦，之後佢擰個頭埋嚟，個妝又白又有啲燈打落去，我即刻嘩咗一聲！我出於關心問吓佢咩事，原來佢嗰時情緒麻麻，自此我哋成為咗朋友。」美儀姐則笑言忘記了這件事。
江美儀自言屬於靈異體質，不時有「朋友仔」會找她幫忙，她說：「都係報夢多，姑媽喺我幾歲時已經走咗，佢走咗冇幾耐，我發夢見到佢，佢同我講嗰邊生活係點。」江美儀又透露已過世的爺爺和叔叔亦都有報夢找過她，之後再大爆一個靈異經歷，她說：「我以前學畫畫，識咗個朋友C太太，佢因為丈夫過咗身，所以嚟學畫畫，識咗佢之後做咗好好朋友，有次去佢屋企食飯，先知佢先生原來走咗。」
直到C太太的細仔結婚，美儀姐竟發夢見到素未謀面的C先生，原來C先生想拜託她做一件事，她說：「佢話有份禮物想送畀個仔，但佢話唔係畀結婚嗰個仔，而係大仔，之後我見到一道牆櫃有好多衫，下低擺咗個矮櫃，入面有一個雞同龍嘅筆，佢話想送畀個仔。」翌日睡醒後，美儀姐即時打電話給C太太告知這件事，C太太真的在床頭櫃找到一個雕有龍和雞的玉牌，之後將玉牌送給大仔，美儀姐說：「之後我買花去拜C先生，同佢講番已經幫咗佢完成心願，夜晚瞓覺又見到C先生，佢同我講唔該晒。」
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
【大激賞】 贏$1,000超市現金券💰！
↓ 立即登記！免費獲多項專享福利 ↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
