反黑英雄|殘廁虐打戲「打真軍」畫面震撼 曾文心遭叉頸掌摑意外撞瘀下巴

文: 羅志宏
2024.06.28

由陳山聰、張振朗主演的TVB新劇《反黑英雄》在內地熱度持續飆升,昨晚在騰訊視頻站內熱度值衝破22,000,連續三天刷新港劇在騰訊視頻播放熱度的歷史紀錄。昨晚(27日)播出的第4集,除了緊湊刺激的肉搏戰及鬥智場口,張振朗和曾文心的偶遇、及振朗對文心的無私照顧及關懷,就展現了人類的「同情心」。

 

昨晚,曾文心被同是新演員的李海銅和張天妮捉入殘廁虐打的場口,有齊掌摑、扯頭髮、叉頸及推倒地上,畫面震撼,曾文心事後透露為求拍出好的效果,主動要求「真打」:「因為我哋幾個都比較新,唔係好識就住鏡頭打,而我哋都Friend,我就話不如真打。」曾文心又自爆因自己遴迍撞瘀了下巴和膝頭:「因為嗰場有好多跌低嘅戲,我跌到膝頭哥好多瘀傷,仲將個下巴撼到地下,搞到有個位腫到好似一粒鵪鶉蛋咁大。返到屋企之後,媽媽睇到啲傷痕好心痛,我知佢係想喊,但係佢冇喊,仲有幫我捽藥油。」

劇情講述阿賢(張振朗飾)偶遇偷金魚的學生妹陳樂怡(曾文心飾),原來阿怡不但父親早逝、母親(顏仟汶飾)是一名道友,在學校亦慘遭欺凌;阿賢眼見阿怡如此可憐遂決定向其伸出同情之手,展開微妙的「救贖」之旅。

雖然救贖劇情煞是感性,但網民卻搞笑地放錯重點;其中一場振朗拯救險被車撞的曾文心的戲份,網友竟被振朗的靚手吸引:「手控們,過來看一下,雖然觀感有點尷尬,但是發現了他的手好看。雖然不算特別長,勝在乾淨骨節分明,掌面也寬。」貼文一出即引爆共鳴,不少「同路人」留言:「在《靈戲逼人》第一集結尾也有他的手指喔!」、「人帥就好還要手特別好看」、「這個…愛了!」

對於入行僅3年的曾文心(Michelle)來說,《反黑英雄》絕對是其升呢之作,曾文心透過第31期藝員訓練班入行,曾參與演出作品有《新聞女王》、《羅密歐與祝英台》、《飛常日誌》、《你好,我的大夫》等。曾文心曾於中央戲劇學院進修,更曾在北京國家大劇院演出過,回港後亦多次演出舞台劇,演出經驗豐富。

曾文心受訪時坦言:「係我入行以嚟最多戲份嘅角色,覺得好激動、好感恩,好多謝公司同佳導畀呢個機會我。」曾文心還預告會為這個角色獻出多個人生第一次。談到劇中與振朗有不少對手戲,曾文心大讚對方是很好的前輩:「同佢第一次見面係喺化妝間,佢化緊妝時都仲睇緊一本關於演戲嘅書!佢真係好Nice,佢會同我分析每一場戲,每句對白背後有咩含意,應該用咩態度去演。」曾文心又謂最難忘是被張振朗的眼神震懾:「振朗演戲嘅眼神真係好細緻,佢喺一、兩秒之內可以變化出唔同嘅情感,仲要單靠眼神唔使對白,真係學到好多嘢。」

 

 

同場加映:【著數慳家王】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】位元堂美肌養顏糖水套裝 ↓

↓ 養血安神並潤膚美肌 / 從內而外煥發光彩!↓

↓ 養血安神並潤膚美肌 / 從內而外煥發光彩!↓

↓【限時搶⚡】勁送小牧味屋高鈣梳打餅套裝!↓

↓ 一套6包:芥末味 / 蕃茄味 / 黑芝麻味!↓

↓ 一套6包:芥末味 / 蕃茄味 / 黑芝麻味!↓