大西北輕鐵嚴捉逃票！輕鐵為屯天元地區特有的交通工具，不過由於車站收費需要靠市民「自律」，包括拍八達通機或自行在售票機買票，不時都出現逃票問題。最近有市民留意到，元朗部分輕鐵站繼續有職員站崗，嚴捉搭霸王車乘客，街坊目擊「真係好多人無買飛」，多名工人姐姐中招被罰款。
日前（30日）下午5時40分左右，有市民透過社交平台群組發帖，指在元朗輕鐵「塘坊村站」有多名港鐵職員站崗嚴捉逃票乘客。
點擊圖片放大
從相中可見，現場同一月台上有8名身穿制服的港鐵職員，正在檢查乘客的購票情況。樓主表示：「目測起碼有四個姐姐冇買飛搭輕鐵畀人捉住咗，在元朗塘坊輕鐵站，好似要罰四百幾蚊，姐姐今次慘喇」。另外樓主又指：「其實有兩個師奶仔都冇買飛畀人捉住 ，不過佢哋搞咗啲師奶仔先，我影唔切咋嘛」，並強調「真係好多人冇買飛喎」。
▼帖文▼
點擊圖片放大
相關文章：
帖文引來討論，有不少街坊直言，「搭車畀錢是本身應該的」、「罰咁少？平時慳到既車費唔只呢個數啦」，因而支持港鐵繼續嚴打逃票行為。 此外有網民認為逃票問題不僅限於輕鐵。，「東鐵頭等都應該要粉嶺站查飛喇」、「偶然見一次都係總站check有鬼用咩，好多人上水上車無拍頭等機」。
▼網民留言▼
港鐵指引：輕鐵乘客逃票罰款$370 拒交最高罰$5,000
根據港鐵指引，顧客服務及收益保護隊不定時巡察車廂，若發現逃票乘客，會登記有關乘客個人資料及開罰單，乘客須於指定輕鐵客務中心繳交罰款，金額為$370（大小同價）。
港鐵車站職員及「查票組」職員每日不時會於港鐵範圍內進行查票工作。若職員發現乘客違規，會要求乘客繳交附加費。若乘客拒絕繳交附加費，港鐵公司則會考慮採取法律途徑追討，包括最高罰款$5,000（大小同價）及檢控。
資料及圖片來源：Facebook@香港交通及突發事故報料區
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
