由梁思浩、黃紫恩（Jojo）及黃耀英主持首個靈異直播一小時節目《直播靈接觸》，昨晚（1 日）播出第 20 集的主題是「冥婚」，請來六壬師傅陳理一道長現身說法。
為配合「冥 婚」主題，節目長駐的「女鬼」特意換上新娘裝，非常有心思。 節目甫開始，思浩重提 2013 年與已故藝人冥婚的事件，他說：「今次唔係我 第一次做冥婚主題，以前喺友台都做過，友台為咗要搞啲噱頭，同記者講我會同一個已故藝人冥婚，搞到好大件事。」思浩相隔11年鄭重澄清：「由始至終都冇呢件事，係（友台）當時高層度出嚟搞噱頭，等大家留意個節目。」思浩續指自己被該已故藝人生前男友鬧爆，昨晚於節目公開道歉：「好希望有機會同你講唔好意思，我亦想將呢件事真相話畀你聽，湯鎮業先生，我欠你一個道歉，對唔住，知道你當時好嬲，我只可以講當時人在江湖身不由己。」
2013年梁思浩及岑寶兒（阿夢）主持的有線靈異節目《怪談》，為谷收視二人計劃當時與1985年開煤氣自殺的「歷代最美黃蓉」翁美玲，及1989年跳樓自殺的名主持鍾保羅（Paul）搞冥婚，被外界狂罵對死人不敬！
思浩當時指搞冥婚係高層idea，計劃一係岑寶兒嫁鍾保羅，一係思浩娶翁美玲，最後阿夢抽籤輸咗要做。思浩更透露監製曾提議與「哥哥」張國榮及梅艷芳冥婚，但怕兩人歌迷不喜歡而擱置，並指已找到鍾翁二人的骨灰位。思浩更指有嘗試過搵Paul屋企人，如果佢哋反對，會再開會討論；亦有搵過梅媽，對方表示OK，但最終符合唔到佢開嘅要求。思浩當時指Paul生前未婚，當是幫對方完成心願，更指若反應好，亦會與翁美玲舉行冥婚。翁美玲生前男友湯鎮業得悉事件後大發雷霆：「唔只我，一般人聽到都唔舒服啦！呢個題材完全係炒作，呃神騙鬼！佢哋（梁思浩與翁美玲）咩關係啫？三唔識七，為乜呀？收好多錢呀？始終人都過咗身，要尊重人哋家人。佢哋都有好多Fans，有冇顧及其他人感受？簡直係娛樂圈恥辱！」他又斥做節目不應擺死人上枱。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
