中年好聲音2丨譚輝智向A貨挑機合唱《屈到病》 仔女睇錯誤以為真:Daddy輸咗?

文: 余美鳳
2024.07.04

上星期關嘉敏在節目《福祿壽訓練學院》中,扮演「痰輝智」模仿譚輝智在《中年好聲音2》唱出張學友名曲《屈到病》,今次扮得十分神似而備受讚賞。當日,譚輝智都覺得好似,有轉發對方表演片段。TVB安排二人同框合唱,他們初次見面,關嘉敏大叫尷尬。

關嘉敏和譚輝智接受《東張西望》訪問,二人初次碰頭,譚輝智笑言自己才是真正的關嘉敏,他說:「佢完全唔係我啲樣,靚咁多,佢要醜化(自己),嗰下睇到佢功架,好勁,最難要做到唔識跳。」

譚輝智期間對關嘉敏扮自己的過程十分好奇,她透露自己花了3個多小時化妝,難怪神似程度很高,他拿出當晚節目片段:「當日出街,好多人send畀我,你呢個角度,冇可能唔係我。」

關嘉敏的功力,呃到不少人,譚輝智自爆連自己的仔女當時睇節目,都誤以為是自己:「小朋友喺屋企睇,問daddy係咪輸咗,佢去咗邊?佢哋覺得好似,當佢(關嘉敏)離開咗,佢哋狂搵佢,連佢哋都認錯。我睇完超開心,有人問我會唔會嬲,點會?開心到爆。」關嘉敏亦指,當晚錄影前,在電視城內走來走去,不少同事都誤認她是譚輝智到場。

二人即場互相扮演對方,合唱《屈到病》,譚輝智唱得勁High,還爆肚謂:「係咪拉姑嚟咗?」他相信二人合唱片段能有好點擊,表示點擊過100萬,關嘉敏會再扮演一次。節目出街後,好多人都支持他們能同台演出。

不少藝人留言,當中甘永傑搞笑謂,「FC扮女仔,分唔到添」、網民留言大讚,「FC同嘉敏真係可以做諧星,佢兩個跳唱聲音表情真係帶到畀觀眾無限歡笑,兩位真係前途無限」、「台慶應該搵佢哋合體表演」、「嘩!咩事咁爆呀!輝智同關嘉敏咁快合體,真係屈到病,好正」、「希望兩位同台演出」。

 

 

 

關嘉敏的模仿功力,日漸進步,之前在節目內,她曾分別扮過不少紅歌星,當中扮梅艷芳唱《淑女》相當驚艷,而她扮王菲的造型,更為神似,當時已經不斷被讚賞。

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】請您食卡樂B Potaland® 酸忌廉洋蔥味薯片!↓

↓ 濃郁開胃的酸忌廉味 + 香氣四溢的洋蔥味!↓

↓ 濃郁開胃的酸忌廉味 + 香氣四溢的洋蔥味!↓

↓【夏日送禮】送麒麟一番搾啤酒及夏日和風禮品套裝!↓

↓登記即有機會攞禮物番屋企↓

↓登記即有機會攞禮物番屋企↓