楊思琦被揭扮可憐令佘詩曼食死貓 嬲爆向梁思浩宣戰鬧對方搞事

文: 余美鳳
2024.07.09

梁思浩日前在節目《娛樂好好玩》中爆料,指有位前香港小姐不時在人前扮可憐,自己與吳家樂都曾經受騙,他表示曾遇到一位外表楚楚可憐的女星:「隻眼未流眼淚,不過都已經『浪』住(眼淚),咁我哋兩個……嗰時家樂未結婚,就唔知係咪睇中人啦!就問佢『咩事呀?』,對方答:『我……我……(發出啜泣聲)唔講喇……』,最怕呢啲!」梁思浩指多番關心下,決定為對方出頭:「我話:『你哋啲劇組蝦人呀!』,點知原來唔係……我而家都要同嗰個人道歉呀,因為我幫錯咗人呀!」

梁思浩指被指控欺負人的女星有江美儀的霸氣感,他表示:「嚟同我哋哭訴嗰個係可憐樣嚟嘅,我哋誤會咗霸氣嗰個人係蝦佢,原來掉返轉。」梁思浩更透露對方是香港小姐出身,現時甚少在香港電視幕前演出,在內地亦不見有好多工作,曾發生了一件轟動全港的事,並稱很多人都被她楚楚可憐的外表欺騙。梁思浩說出一個關鍵線索,指該女星當時自稱被欺負時,正拍攝一部由三位女星共同主演的劇集。

 

 

有不少網民猜出他指的可能是由郭羨妮、佘詩曼及楊思琦主演的《無名天使3D》,當年的確有傳三女拍劇時發生不和,傳出郭羨妮、佘詩曼合力排斥正上位的楊思琦。梁思浩後來公開他所指的正是楊思琦,他繼續分享對方稱被「欺負」的內情:「佢成日個樣楚楚可憐、含住泡眼淚,就成日話嗰兩個蝦佢,但後來我哋先發覺原來唔係。佢拍戲……你甩(對白)嘅,咁人哋都要……『你勤力啲讀吓劇本啦』,啱唔啱先?」梁思浩指娛樂圈有很多雙面人,很多事不能看表面。

事後,楊思琦不滿被亂爆料,IG發表一張Whatsapp對話的截圖,並配上陳冠希的歌曲《戰爭》,她留言說:「So funny ! 無事搞事, 你是什(甚)麼人啊!?」而Whatsapp的對話截圖中,見楊思琦回應對方說:「搞笑,我和他都沒有聯絡,出什麼頭?笑死」、「不用理會這些無聊的」對方安慰思琦說:「所以我哋完全信任你,他呢個人心地唔好!」思琦再回應說:「他要搞新聞,知道我不會回應,所以搞我!」

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓

↓【夏日送禮】送麒麟一番搾啤酒及夏日和風禮品套裝!↓

↓登記即有機會攞禮物番屋企↓

↓登記即有機會攞禮物番屋企↓