方力申日前接受訪問，爆出其泳會旗下一位9歲天才小泳手因為泳總「官僚」同小圈子制度而無法公平地參加賽事，事件引起全城關注，今日亦有正面嘅新進展。
方力申昨日接受電台訪問，提到泳總上周聲明中，最令佢氣結係泳總將佢塑造成「滋事份子」，佢指自己開始時並冇炮轟泳總，直至泳總出咗有關聲明：「最後嗰兩句焫㷫咗我，講到我係搞事分子咁。我由頭到尾都係為咗小朋友著想，為咗香港運動員著想。我搞游水，游水唔係我正職，我正職都係娛樂事業。我搞游水唔係為咗要賺錢，希望有一日我都可以培育到泳手好似何詩蓓咁樣，代表到奧運，甚至乎攞到奧運獎牌。」
方力申被網民指「如夢初醒」，有多年經驗嘅佢冇可能唔知其泳會成員不能參加錦標賽：「我由細到大游水嘅時候，都知道嘅係有啲屬會係租唔到線（泳池泳線）嘅。我開辦游泳學校、泳隊時，其實我都唔知道競賽屬會係唔可以競賽囉」。方力申又表示臨尾收到消息佢嘅小泳手唔可以參賽，及後曾WhatsApp 及發信聯絡「睇住佢大」嘅泳總會長王敏超，「因為佢都係睇住我長大㗎嘛，收到泳總回覆，再問王會長可唔可以飲個茶，請教你意見呀，淨係收到兩個藍剔咁樣。」
霍啟剛與港協義務秘書長楊祖賜昨日於奧運港隊代表團授旗典禮後主動會見傳媒，霍啟剛透露兩人已與泳總會長王敏超會面，已清晰表達運動員遴選機制「核心原則」必定要讓運動員才華得以發揮為先：「總會都必須加以支持，有責任提供機會運動員參與比賽，不可以埋沒運動員才華。」楊祖賜就透露港協事前不知道泳總有「競賽屬會不能參加錦標賽」的規定，但相信該名9歲小泳手將有機會參賽，王敏超初步同意在日後比賽設立個人身份參賽渠道。楊祖賜指泳總有「完善機制」：「它訓練的人是能夠代表香港，泳總一直有持續完善機制，否則沒有Siobhan（何詩蓓）出來。」王敏超典禮後則未有回應事件。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【送飛🎟️】「領展香港高爾夫球公開賽」四天入場證100張！↓
↓11月21至24日免費睇比賽！超多娛樂活動😍按摩、紋身、高爾夫體驗區！↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
