現年38歲的「星二代」女藝人姜麗文，於2010年以兄妹檔組合「Benji and Lesley」加入樂壇，2017年轉簽TVB拍劇入屋後，一直沒放棄她的獨立歌手夢。日前，姜麗文就為最新派台歌《要說快樂太虛偽》接受電台節目《星光背後》專訪，大談現在成為人妻的轉變。
飽歷早年情傷抑鬱後，姜麗文於2017年認識現任圈外老公柏豪，但礙於疫情而令婚禮一再延期，由原定2020年成為幸福人妻，到最後二人於2022年於姜麗文在美國工作期間完婚，雙方家長只能網上見證，及至今年3月才於香港補辦小型婚宴節目中， 姜麗文剖白今年3月重穿上4年前買下的婚紗當新娘的感受外，也憶述4年前婚禮被迫取消崩潰爆喊的經歷。
姜麗文透露，於2019年接受圈外老公柏豪求婚後原定翌年行禮，奈何因疫情而一波三折，她表示爸爸秦沛從未不滿和催促，「爸爸反而話不如唔好咁快結婚，佢唔捨得。」被問及會否覺得婚禮很多障礙，姜麗文坦承曾為此痛哭，「個陣喊咗好多日！結婚前5日先因為疫情取消！當時係2月，香港1月爆covid。不過宜家慣咗，反而慢慢嚟仲好，可以不停慶祝。今年3月我哋補辦咗個小型婚禮，同長輩們簡單慶祝，雖然已經結婚兩年，但著起放咗四年嘅婚紗感覺好唔同，最難忘係斟茶畀爸爸，見到佢眼濕濕，我就忍唔住喊。」
成為人妻兩年，談及婚後的轉變，姜麗文自揭首年有點不習慣夫妻稱號，她笑指：「第一年我仲係好怕醜，完全唔慣畀人叫老婆，過左兩年先慣，宜家連電話來電都改咗唔係柏豪喇，係老公，哈！」
至於生活上轉變， 姜麗文續說：「個人平靜咗好多，同埋本身都鍾意留喺屋企，宜家就更鍾意，除咗做嘢之外都唔出街。」她更透露二人做家務、煮飯的分工，「好奇怪，唔知點解我好鍾意做家務，可能因為我媽咪係日本人，所以我都好鍾意呢種『老婆仔』嘅生活。而煮飯，大家估唔到其實西餐係老公煮，中菜多數係我煮。」
而談到生小朋友的計劃，姜麗文則指他們希望順其自然，「結咗婚反而無咗個rush，之前未結婚會想生，宜家就唔想有太多pressure。同埋顧及事業，我哋都有避孕，暫時都唔會生住，爸爸秦沛都無催想抱外孫。」
同場加映：【香港周圍遊】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
