輪候多年獲編配公屋上樓固然開心，不過對於基層家庭而言，新屋裝修開支又是另一大難題，一位65歲網民分享最近成功上樓，幸獲相識數十年的街坊老師傅收取友情價6萬元平裝新居，包辦鋪地磚、造櫃造床等，而且手工不錯，令她滿意大讚。
同場加映：
一位網民近日在facebook群組「公屋討論區」發文指，自己達65歲之齡，終獲派公屋擁有「自己嘅家」。上樓即要處理繁複的裝修問題，事主稱幸好獲相識數十年的街坊維修師傅相助，以有限的資金，助她打造一個雅緻的居所。她指師傅教其揀選防滑磚、防霉漆，又分析用哪些顏色，能令細單位在放很多傢俬，仍能保持光猛，
「老派師傅嘅可愛，讚佢哋做地板靚，油牆靚，裝柜靚，個個都係同一反應：好滿足咁笑一下。終於知道乜嘢叫做室雅何需大。」
據照片可見，事主獲派單位約200呎左右，採用全開放式、未有間房，全屋地磚及訂造傢俬均採用淺木色，感覺光猛，在近大門位置造了到頂儲物櫃，連一張換鞋櫈，另訂造電視櫃及一張靠窗的雙人床，床尾有一個矮身儲物櫃；至於浴室則造了玻璃浴屏，事主稱：「師傅話個圓形浴室玻璃門係強化玻璃，如果爆呢都係粒狀，亦可以選擇另外一款，可以安心啲，我資金有限所以已經為我選最好㗎喇！」
友情價$6萬裝全屋
事主稱裝修工程包括鋪地板、髹油、訂造數個櫃，合計只需約5至6萬，形容對方是收取「友情價」，又指因為採用了特級防滑老人地磚、防霉油漆，且老師傅本身人工不低，故實在物超所值，而且質素有保證、一勞永逸，「其他嘢就盡量慳啲，有啲電器直情唔買唔裝住。」
網民讚整得好 紛求師傅聯絡方法
帖文吸引不少網民留言，紛紛大讚師傅收費便宜之餘「整得好好」、「簡簡單單幾好」、「錯，最緊要住得舒服」，有網民更詢問師傅聯絡方法。
港生活人氣本地熱話
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
