兩年抱兩丨關曜儁江旻憓摘金期間迎細仔出世 興奮再做爸爸：莫非將來我個仔都係世一？
TVB男藝員關曜儁（Leo）今年3月趁囡囡關凱妃（Lorraine）的1歲生日，公開宣布太太楊韻璇（Twinkle）再次懷孕的喜訊，更成功湊個「好」字懷上男嬰，一家三口都好期待弟弟的來臨，今日凌晨大部分香港市民都捱眼瞓見證江旻憓摘奧運金牌之時，Leo原來都興奮迎接囝囝出世，順利添丁，可喜可賀。
Leo雖然年紀輕輕只有30歲，不過家庭、事業、生意都一樣非常好，2023年Leo在IG宣布去年向拍拖5年的女友Twinkle求婚成功，女方更已懷孕，3月時未婚妻誕下Lorraine後，兩人再補辦婚禮，正式成為夫妻。今次順利「兩年兩抱」，Twinkle為他再次懷孕佗男嬰，一家三口都非常緊張又期待，Leo更為他。其實日前Twinkle一度「見紅」入醫院，以為囝囝出生，Leo即時推走所有健身課堂，準備陪產，但後來醫生稱不是「作動」，所以兩公婆只好回家靜候「佳音」。
Leo今日凌晨正式迎接囝囝的出世，事前他已經為囝囝改好英文名叫Torres，女兒跟爸爸英文名字頭，而兒子則跟媽媽英文名字頭，相當有意思。Leo笑言：「囝囝出世喇！凌晨三點半左右，當大家睇緊江旻憓得到奧運金牌嘅時候，我就喺產房見證住我老婆攞金牌。」囝囝出生重2.68公斤，同爸爸一樣屬於獅子座，今次囝囝順利出世，相信亦是8月生日Leo的最佳禮物之一。
Leo分享昨晚經歷驚險又難忘晚上，27號開廠工作至晚上11點幾返家，本來同老婆仲諗住睇凌晨江旻憓出戰，點知凌晨一點幾時老婆開始作動，於是出門趕去醫院，還未趕及打無痛分娩就要入產房，Leo陪伴在側見到老婆當時已痛到叫到拆天，他搞笑話：「有一刻好似覺得驅魔人一樣，老婆一邊捉實佢隻手，我一邊安慰，老婆平日係超級怕痛嘅人，喺產房裡面姑娘鼓勵佢點樣呼吸，但老婆好似完全聽唔到。我好緊張，大大聲引導呼吸唞氣節奏，結果過程大約五分鐘就順利生咗BB。雖然我講得有啲搞笑，見到老婆好痛，母親真係好偉大，亦係好好經歷，感受到一家人嘅愛。」
提到BB出生一刻撞正江旻憓奪金，Leo有感而發：「唔通阿仔第日都會世界冠軍？人生要創造目標，唔通阿仔都會成為一啲嘢嘅世界第一。」另外又透靈大女出生時喊得好緊要，好似辣妹一樣，反而細佬比較平靜。
港生活人氣本地熱話
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
