有「劍擊女神」之稱的港隊運動員江旻憓（Vivian）於今屆巴黎奧運大放異彩，在重劍決賽中面對法國選手時，雖然一開局一度以零比四落後，但江旻憓半點沒有氣餒，沉住氣一分一分慢慢後來居上、反敗為勝，成功為香港爭奪首面巴黎奧運金牌！
江旻憓IG追蹤人數暴升
「世一劍后」江旻憓勇奪巴黎奧運女子重劍金牌，成為全城洗版式熱話，大讚江旻憓成為「香港之光」。而江旻憓的IG社交平台在一日之間備受注目，其追蹤人數由比賽前的22萬多，在一天時間內極速暴升，升至目前為止的近40萬，漲幅接近一倍，絕對是人氣急升。
江旻憓奪金第一個訪問
香港劍擊運動員於連續兩屆奧運奪得金牌，TVB奧運特派專員何振然今次成功抓緊時機、排除萬難第一時間爭取了江旻憓奪金後第一個訪問！由於是奪金後首個訪問，江旻憓全程真情流露，一邊受訪、一邊忍不住流下開心的眼淚，江旻憓邊流淚、邊傻笑說：「我仲係唔相信，我唔知講咩，我每日起身都話畀自己知唔係今日比賽，到今日終於比賽喇，我好驚聽日起身又要比多次賽。」
江旻憓反敗為勝為港隊摘得奧運第一金
談到三年前八強止步忍不住淚灑，江旻憓又笑又喊謂：「我諗三年前我係話我唔要輸咗喊，因為我要贏咗先喊，所以我依家要喊晒出嚟。好多謝我團隊好多人支持我，我次次輸係輸我自己做得唔好，所以我好對唔住大家，今次我終於冇做得唔好喇。」
江旻憓先後動過兩次手術
膝頭哥先後動過兩次手術的江旻憓，原來今次於奧運比賽前一個月，因為膝頭哥又受傷，一度連進攻都「打唔到」，如今江旻憓不但能克服膝頭傷患問題，更勵志地奪得奧運金牌，難怪她大叫感恩：「我覺得所有壓力都唔係咩，只要可以享受到比賽，可以打到畀大家睇，我就好感恩。」 並按何振然要求向在香港支持自己的觀眾及隊友打招呼：「你哋係咪起咗身睇我呀？辛苦晒你哋，希望你哋可以瞓覺呀。」相當Sweet！
江旻憓教練評價
除了江旻憓，何振然還成功邀請到江旻憓的教練Octavian-Petru Zidaru（Tavi）訪問，對於愛徒勇奪奧運金牌，Tavi以英文笑言：「我到依家都唔相信，可能聽日我會相信！」提到江旻憓由零比四「絕地反擊」，Tavi 評江旻憓「戰術穩定、自信及Motivated」，他又感激香港粉絲在現場的熱情打氣及支持，並笑言熱情度沒有輸給主場法國選手的支持者。
▼▼江旻憓不可不知的8件事▼▼
▼▼江旻憓10大勵志金句▼▼
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送】鴻福堂嚐月精品月餅禮盒！↓
↓迷你流心奶黃／宇治抹茶／陳皮豆沙月餅↓
↓【限時搶⚡】勁賞霜瀛廚師發辦套餐！↓
↓ 嚴謹日本各地時令食材 / 高質江戶前風味Omakase！↓
