現時代表盧森堡出戰的61歲前乒乓球國手倪夏蓮乃巴黎奧運最老選手，令她成為今屆紅人之一。倪夏蓮於今午5:00出戰女單32強鬥國家隊後輩「世一」孫穎莎，屬於話題之戰。
倪夏蓮在上海出生，曾經是中國國乒隊成員，現時代表盧森堡出戰。今屆巴黎奧運是她第6次奧運之旅，亦是今屆奧運最年長選手。她於乒乓球女單64強，以總局數4:2擊敗土耳其好手艾天嘉耶。倪夏蓮今日即使以局數0：4敗陣出局，全場比賽到賽後均不時面露笑容，過程中更突然開心來一個360度「反智轉身」，連觀眾都睇得好開心。而其中一樣令人感到驚喜的是，倪夏蓮小休息時，竟然到場邊飲C朗拿度最「反對」嘅可樂，莫非呢個就係佢61歲仲咁活力滿滿嘅秘訣？
倪夏蓮賽後受訪，表示自己圓咗3大夢想：「圓夢很重要，我第一個夢想是來奧運，第二個夢想是嬴一場，第三個夢想是跟孫穎莎打……我都圓夢了，開心、開心！因為她（孫穎莎）好捧好捧，我很興奮有這個機會，所以我想打得好一點，我想打得精彩一點，萬一我能打到一個好球，好希望大家都enjoy！這是我的樂趣和最大心願，其實我已經專業幾十年了，打了五十幾年球，一生中這球是有的，但能夠在這時候（高齡）打也是很開心的，也很有意思。」
倪夏蓮強調唔可以以年紀大做藉口唔再追夢：「我覺得年齡只是一個數字，當然我們上了年紀不能跟自然鬥，但我們保重自己，在身體情況可以下做一些體育運動是非常好的，鍛鍊一下，乒乓球是很好的，它可以小範圍，可以大範圍，可以速度快可以慢，所以我覺得大家都可以打……我覺得我們不要放棄自己的夢想，不要覺得自己老了就不行，要做自己喜歡的事情吧！活到老學到老，我覺得總有東西可以學，可以提高自己，非常有意思！我很熱心，我覺得盧森堡需要我，我是幫助別人也是幫助自己，我是這樣想。這個比甚麼都有意思，輸贏都無所謂。」
奧運全球盛事，唔少藝人都mon住各項比賽，其中吳保錡都受到倪夏蓮啟發，揚言要戒壞習慣：「好身體就能堅持任何東西，戒掉壞習慣，不要酒精，不要吸煙，不要夜生活，最重要是開心快樂。61歲，還在堅持夢想，我們還有什麼藉口？Respect！」Bob林盛斌都大讚精彩：「曾經睇過一本書，佢話一個有魅力嘅人，一定要有一個特質，就係playful、joyful，呢場波，佢完全表現到出嚟，真心型！盧森堡嫲嫲，respect👍👍👍Miss咗嘅，快啲上網睇返，佢真係好可愛，最後完場見到好多觀眾起立拍手掌致敬，我係忍唔住，喊咗嘅。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
