鄭中基再患酒癮｜鄭中基早前發佈一連串聲明，內容圍繞經理人何慶湘工作及道德操守有問題，已正式離職。而鄭中基亦因個人情緒健康問題，將完成「澳娛綜合鄭中基My Only One音樂會」、「Fragments of Wonder 鄭中基世界巡迴演唱會2024高雄安可場」後，將暫時休息。早前鄭中基再發聲明，表示自己近年患上抑鬱症，並再患上酒癮。
鄭中基再患酒癮｜回顧首奪最佳男配角 獲劉德華贈一句︰浪子回頭金不換
鄭中基早前爆出再患酒癮一事引起一時爭論，其實鄭中基並非首次因醉酒而鬧出事情，2000年飛機醉酒一事最為轟動，不過於2013年，鄭中基憑《低俗喜劇》首奪最佳男配角獎，則在台上再揭起一單醉酒往事。
當年提名最佳男配角的分別有林家棟《寒戰》丶廖啟智《消失的子彈》丶萬梓良《懸紅》丶杜汶澤《華麗之後》，而鄭中基則憑《低俗喜劇》暴龍哥一角首奪最佳男配角。
鄭中基從舊愛楊千嬅手上奪得最佳男配角一獎，張家輝更借意借題發揮戲弄兩人，弄得鄭中基一時尷尬，幸得楊千嬅及時解圍，鄭中基才開始分享感受。
鄭中基首先表示自己初入行時，因為父親為唱片公司老闆，給人的印象並不好，而自己亦「冇令大家跌眼鏡」，自嘲自己不斷出事。但幸得自己好好運，遇到好多疼愛自己，好支持自己，沒有放棄鄭中基的人。
鄭中基重提2000年飛機醉酒鬧事之後，第一個邀請他拍攝電影的導演為劉偉強導演，但鄭中基仍然沒有「令他失望」，在《愛君如夢》的開鏡儀式當日就因為要上庭而遲到，當時鄭中基因為醉酒撞車而需要上庭處理。
當時《愛君如夢》的主演劉德華贈了鄭中基一句說話︰「浪子回頭金不換，你而家開始要諗吓自己跟住落嚟而點做，要點行，你仲有大把時間，不過你真係要諗清楚。」聽後的鄭中基決定暫別唱歌，轉投演戲，由自覺自己最叻的事轉去做自己完全不懂的事情，期間一路被人罵，因為自己經常做錯事。但仍然遇到疼愛自己的導演例如谷德昭。
直至得獎一刻，鄭中基表示自己覺得香港電影圈這個大家庭開始接受自己，最後鄭中基表示自己不會向大家說繼續努力，因為「講係冇用嘅，我會繼續做比大家睇，多謝大家。」並表示將獎項獻給妻子與女兒，獲得全場掌聲。
鄭中基再患酒癮｜最新聲明驚揭有改動 急為太太補回一細節
昨日鄭中基再發聲明，其聲明透露自己因抑鬱而再患酒癮，故此將聯同太太到美國參與戒酒療程。翻查Facebook編輯紀錄，聲明最先由昨天14:16發出，6分鐘後鄭中基為聲明編輯，急為太太補充一事。
▼即睇改動詳情▼
前後六分鐘，鄭中基急為太太補充一事，改動耐人尋味。鄭中基最新聲明隻字未提與早前發出的經理人離職聲明有何關連，惟最新聲明多次強調現任太太余思敏，認為對方「令我覺得我要走入另一個人生階段」丶自己「令家人失望」丶「太太都有同我講，我係自己呃自己」丶「我覺得好對唔住我屋企人，尤其是我太太同仔女」丶「我會用時間同行動去證明我會努力做好丈夫」等等。
鄭中基再患酒癮｜最新聲明表示因抑鬱而再患酒癮
鄭中基再發聲明，指近日發佈的聲明引發眾多猜測，故此再度交代事情。鄭中基首先表示自己仍然是一個不懂得面對壓力以及不成熟的人，並重提2000年飛機醉酒鬧事一事，當時決定戒酒。其後經歷一段不快樂而且很短的婚姻，當時亦有好好反省自身問題。直至遇上現時的太太余思敏，覺得自己要走入另一個人生階段。不過當面對壓力、面對工作、面對人的時候，原來自己的問題並無徹底解決，許多事情未能解決且未能好好溝通，繼而令家人失望。鄭中基再表示自己在朋友建議下尋求醫生，並確診抑鬱症。當時雖然靠藥物控制，但酒癮又再起，結果壓力爆煲。自覺自己對唔住家人，其後會與太太遠赴美國參加戒酒中心的療程。希望回來之後可以做一個更好的自己。
全文如下︰
「大家好。
早前我發咗一個關於我公司同埋我健康嘅聲明，引起咗好多朋友嘅關心亦引起好多嘅猜測。基於公司嘅事情係會如常運作，希望可以好好咁處理再次交代，唔想影響太多人。
今日我想講一下我自己嘅問題。大家平時見到我大癲大肺、拍搞笑戲、開channel拍片、開演唱會，表面上好似無嘢咁。其實咁多年黎我都仲係一個唔識得面對壓力同埋唔成熟嘅人。仲記得2000年我因為喺飛機醉酒鬧事，引致好多我嘅fans失望，仲有影響到我嘅家人，後來我決心戒咗酒，想要做一個清醒嘅人。之後喺無向公眾交代情況下，我經歷咗一段好短嘅婚姻，呢段婚姻令到我好唔開心，亦好好咁反省過自己嘅問題。
直到我遇到我太太余思敏小姐，係佢令我覺得我要走入另一個人生階段嘅人。我哋一起組織咗一個家庭，有兩個小朋友，喺一件好幸福嘅事。
但當面對壓力、面對工作、面對人嘅時候，原來我自己嘅問題係無徹底解決到，好多嘢我都未能做到好好去溝通，好多嘢我都無處理好，令家人失望。
喺搞笑、娛樂大家嘅背後，係朋建議下去咗睇醫生，發現咗有抑鬱症，當時靠食藥控制，然而我再次做咁個錯誤決定，選擇咗飲酒去逃避現實，太太都有同我講，我係自己呃自己。壓力終爆煲，用咗呢幾日時間好好反省自己，工作忙唔係藉口，唔識溝通就要去學識溝通，我覺得好對唔住我屋企人，尤其是我太太同仔女，對唔住！ 我會用時間同行動去證明我會努力做好丈夫、爸爸同鄭中基既呢個決心。
接下來我要去解決自己同公司嘅問題，我完成手上嘅工作後，太太會陪我去美國參加戒酒中心嘅療程，都50幾歲嘞，我要去諗清楚點樣去面對自己，然後先可以面對大家，我希望返黎之後可以做一個更好嘅自己。
」，
App內睇文同睇片可隨時捕捉U Fun彩蛋，
換領現金券及禮品！
↓【角逐打卡王🏆】送海洋公園水上樂園門票！↓
↓登記攞門票入園玩水↓
↓【限時搶⚡】請您飲Sundrop桔仔水！↓
↓ 清涼消暑必備！原裝馬來西亞進口 / 富含高維生素C / 健康無添加！↓
