公屋裝修︱殘疾港男三派海麗邨 4口家獲6人單位 500呎屋鋪地磚髹油$3.2萬完工

同場加映：

該名男網民今年2月曾於Facebook群組「公屋討論區」發帖，表示一家4口輪候公屋，由於他半身癱瘓、需要使用電動輪椅和經常覆診，便指定要6人單位、位於深水埗、觀塘或黃大仙區、鄰近政府醫院，以及屬和諧式大廈。他又指配房可以「無限派」，「只要物理治療師話唔適合我，我就可以排」。

三派海麗邨500呎單位

事主透露首派和二派分別派到小西灣邨和彩雲邨，但因病床入不到舊式大廈門口，只得拒絕配房。他其後獲三派長沙灣海麗邨一個近500呎單位，單位本身已間好3房，有一個客廳、廚房和廁所，當時牆身已鏟底和批灰。職業物理治療師上門拍照給他看，其妻亦有到附近環境視察，他同時在社交群組詢問網民意見，「想問吓交通方唔方便？有冇街市？附近有冇醫院？坐電椅可否自己去醫院？」當時有不少網民向他提供意見，惟有部分人卻揶揄事主「曬命」，「你可以唔要，仲問更多托咩，唔要留畀我」、「唔鍾意咪唔好要，個個人對好嘅睇法唔同，自己Google Map或者走兩走都知乜料」。

+18

+17

點擊圖片放大

最後事主決定接受配房，並相約物理治療師睇樓和安排房屋署職員進行改裝。他在本周三（7日）再次發文，分享單位裝修前後的照片，主要是鋪了地磚，以及在牆身和天花髹上淺藍色和粉紅色油漆，工程在一周內完成，總開支為3.2萬元。

網民：有冇咁平？

不少網民看到帖文後均恭喜事主，對於3.2萬元的裝修費用，有網民認為十分相宜，但都有人抱有懷疑，「有冇咁平呀？」、「抵」、「500呎，凈係油漆都唔止啦」、「天花油灰色又幾靚喎」、「有冇師傅電話？」、「鋪地磚都唔止呢個數，鋪好磚先油牆都要等乾，一個星期唔夠時間」、「真定假，500呎咁平」、「裝修係靚！但如果我得閒，畀我自己翻手再油，訂造一塊好似巴士鋪地下嗰啲，自己搞掂」、「呢款樓最好，私樓格局，但冇私樓浪費空間嘅窗台，派到呢啲真幸運！」