本港有不少熱心的動物義工不計付出拯救流浪動物，但最近就有一位義工的尋領養帖文引起關注，她指一對救回來的唐狗等候兩個月仍未獲領養，故自設死線，如9月30日前無人領養便會「親自送佢哋一程」，言論引起網民嘩然，亦惹來為該狗狗拍照的攝影師不滿。
該名女義工過往曾多次拯救動物，昨日（12日）她在facebook發文，貼出一張由專業攝影師為兩狗狗所影的「領養我」照片，她指這對狗兄弟約4個月大，是她於6月中駕車途經大帽山時發現，已打第一針及杜蟲，並在帖文寫道：「佢哋兩兄弟已經等咗兩個月，就算出post參加領養日都冇人睇中佢哋，暫託姨姨屋企已經有好多狗，唔可以收留佢哋。如果9月30號之前無人領養，我會10月1日親自送佢哋一程。」
她續指：「唔好問我點解，問下啲人點解買狗仲好，問下佢哋點解選擇購買而唔領養。你哋每買一隻狗，就等於扼殺咗一隻正等待領養嘅狗嘅機會。」她亦留下聯絡方法，呼籲有興趣領養人士與她聯絡。
點擊圖片放大
網民批道德綁架
結果帖文惹來一眾狗義工、愛護動物人士群攻，形容這位義工「走火入魔」，質疑其行為形同道德綁架，「真正愛貓狗嘅人，係做唔出，亦講唔出啪呢番話」、「救左動物，但動物出唔到領養，就攞去人道毀滅，極之矛盾。完全唔道德。」、「求下你，之後唔好再「救」狗」。
攝影師：尋領養靚相卻變「遺照」
至於為狗狗拍照的攝影師亦發帖，指其原意是希望透過靚相吸引大家領養，卻被利用作為「遺照」，甚至用以感情勒索別人，「說什麼親自送佢一程，就算係真係假，如果真係愛狗嘅人，這說話真係好冇道德。」攝影師又指經過今次義拍後，不會再隨便為尋領導機構或個人義工拍照。
及後，該名女義工更新帖文指：「因應攝影師經其他義工要求，我換咗另外一張相。但我想指出，如果冇人領養，係唔會改變到呢兩隻狗嘅命運。」
」，
App內睇文同睇片可隨時捕捉U Fun彩蛋，
換領現金券及禮品！
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
↓【角逐打卡王🏆】送海洋公園水上樂園門票！↓
↓登記攞門票入園玩水↓
