韓劇深受香港人歡迎，尤其不同年齡層的女士都深深被Oppa迷倒，而韓國男演員成為不少男士的公敵。韓星出名高大健碩、靚仔，《中年好聲音》冠軍周吉佩都面臨考驗，老婆黃彥欣希望他有如Oppa咁大隻，搞到他好無奈。
周吉佩追夢至今，一直都有太太陪伴，黃彥欣時常在身邊提點給予意見，所以他視太太為至寶。二人都十分恩愛，他公開二人訊息對話截圖，他通訊錄以「老婆豬」做稱呼。不過近日，他工作越來越多，又要籌備年尾舉行個人演唱會，積極裝備自己，好早前已經開始有操機訓練增加肌肉，太太就變成另類「魔鬼教練」，出招鞭策他。他分享了一張兩公婆的訊息對話截圖，原來老婆迷上韓星宋江的健碩Body。
黃彥欣Send了一張擔正主演韓劇《與惡魔有約》的宋江六舊腹肌的赤裸半身的照片給周吉佩，然後問道，「有冇信心做到咁？」周吉佩立即變「矮仔」坦白從實招來，「以宜（而）家進度，唔得，要好努力。」不過太太似乎都不滿意，繼續質問他有沒有做運動，「你有冇每日100下」。周吉佩無奈解釋近日患病，未能操之過急操肌，而且要有六舊腹肌的完美體態，必須配合清淡的飲食習慣。
最後，太太出動「致命」的一句，「宋江型到爆，高到爆」，都令周吉佩變得無語。二人的可愛互動，好多網民都覺得好好笑，而且留言鼓勵他，當中林子博謂，「你話：我唔係Sell呢啲囉」、顏志恒就安撫，「唞吓啦，兄弟，好番哂先再操練」。
至於一班粉絲就幫口說，「唔係個個都鐘意宋江咁架，有啲女生怕太勁肌肉的男生，有小小肌肉托起啲衫就夠架啦～唔好盲追」、「笑左，應該答：想逼死誰」、「唔難，半年內可以了」、同你親愛的咁講，為咗達成你心中嘅願望。每日操fit多幾個鐘。冇問題。但係少咗時間陪你你唔介意的我就照做啦真係少咗幾時間陪你喎。冇問題㗎」、「你梗係答佢，你型過宋江啦，唔係佢都唔會揀你」、「你覆佢：盡量做到就做」。
還有好多有創意的網民，先有人提意，周吉佩買一件仿肌肉的衣服，穿上後3秒變大隻佬，另外亦都有人教他反提意老婆變日本人氣女藝人渡邊，「反問你老婆有無信心食到佢咁⋯⋯佢有你有」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】逸東軒「逸月流金」禮盒！↓
↓ 全新竹製月餅禮籃！迷你流心奶黄月餅香甜幼滑！↓
↓【角逐打卡王🏆】送海洋公園水上樂園門票！↓
↓登記攞門票入園玩水↓
