洪卓立被指走樣親解「不瘦降」之謎 停止操肌試圖變回十年前文弱書生
現年37歲嘅洪卓立近年好少有新作，反而每次出嚟身形都會成為焦點，早排表示開始操肌嘅佢依然脹爆，日前佢就post出自己同友人嘅對話，親解「不瘦降之謎」
立立嘅朋友send出一張立立多年前嘅MV截圖，表示完全唔認得佢，更加話唔怪得咁多人鍾意佢，而立立就回應對方「係人都會老」，對方就表示佢同門師姐蔡卓妍（阿Sa）同容祖兒都冇老，更直接又婉轉咁指出佢嘅問題係冇KEEP住瘦，而立立見咁多人問佢關於身形嘅問題，佢都出POST回應。
立立POST出一張好橫嘅爆肌相，留言：「解釋即是掩飾，但掩飾也是事實。很多人問我之前辛苦練來的肌肉去了哪，其實是因為自己不小心觸碰舊患腰傷關係，完全停止了重訓幾個月。既然不能變「大隻」，就嘗試向「好瘦」的目標進發啦！看看能不能盡量變回以前『你們很喜歡但我自己很不喜歡』的樣子。」
唔少人都留言鼓勵，包括阿Sa都話好想見番「十小立」；另一方面，又有唔少人擔心立立為外間聲音不停改變自己身形好傷身，令立立再留言澄清：「我想我有必要在此說明一下，這單純是弄傷了腰部而要改變計劃，向瘦一點的鋼條身形進發，並無任何什麼其他意思。我說『那是我不喜歡的身形』是因為不想自己變成鋼條身形，基於本人太聰明頭部很大，鋼條身形就會顯得頭部更大。還有謝謝你們怕我是因為怕閒言閒語所以去改變身型，對不起我完全沒有。一開始我就很清楚我和教練在做什麼，所以才會開始谷肌肉增磅，只是我不小心在家中整傷了才不能繼續，完全跟教練無關，你們想太多了。」
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
