《中年好聲音2》梁浩賢新秀歌唱大賽出身，可惜在比賽中不慎在15強止步，但未有影響他的人氣和對唱歌的熱愛，梁浩賢跟劉威煌、譚輝智、顏米羔、甘永傑、王嘉明、梁思傑及導演潘文龍一齊組成「輕鬆啲」男團，每個星期都開直播一齊唱歌吹水，大受歡迎。日前，他為好兄弟劉威煌慶祝生日時，兄弟們太興奮爆出他今年將會結婚的消息。
當晚「壽星仔」劉威煌分享感言時，答謝幾位兄弟及阿嫂們，威煌煞有介事即時更正顏米羔的是朋友高妹，至於梁浩賢亦沒有反抗，反而輝智大感驚訝，而背後掌鏡的女士大爆一句：「今年係喇今年！」其他兄弟即時踢爆，輝智話：「搵位你上！」、顏米羔說：「你扮咩啫，平時都係嗌老婆！」輝智更伸手跟浩賢握手率先恭喜，浩賢說：「睇住嚟啦！」劉威煌分享一次尷尬事，有次聽到有女仔聲叫老公，沒想到一望轉頭原來是浩賢的女友Kit。浩賢口窒窒說：「咁好正常啦，熱戀情侶一定係咁呀啦！」兄弟即時追問婚期，輝智說：「我聽到阿Kit話叫緊糊！」米羔說：「大家儲定錢！」
據知，梁浩賢的女朋友是花店東主，過往「輕鬆啲」活動或者直播都會做「背後女人」默默支持。梁浩賢接受本網電話訪問，他解釋：「唔係真㗎，班兄弟戥我心急開個玩笑！（拍拖好耐？）我同女朋友三年幾，佢一路都支持我做任何嘢，包括比賽同埋而家做輕鬆啲都好支持，非常感激佢！（個樣咁尷尬，本身有冇結婚計劃？）其實就唔尷尬嘅，係佢哋班死仔講到好興高采烈，不過我都有計劃嘅，不過就唔會係今年！」
」，
App內睇文同睇片可隨時捕捉U Fun彩蛋，
換領現金券及禮品！
↓「角逐打卡王🏆」送THE PARK LANE HONG KONG雙人晚市餐飲禮券🎟️！↓
↓請您食人氣自助餐：即開生蠔🦪、波士頓龍蝦🦞↓
↓【社群送禮】請您飲吃茶三千500杯！↓
↓最新西柚系列！消暑解渴～↓
