聲夢小花鍾柔美（Yumi）早前DSE放榜，坦言對成績不太滿意，前晚她與詹天文（Windy）為《新城33周年台慶》表演，Yumi透露放棄大學學位，升讀HKU SPACE，令人大為驚訝。
在中學一直成績不俗的Yumi，早前坦言DSE成績結果未如理想，雖然未有透露升學安排，但認為未能升讀心儀科目：「之前講過想讀商科，但可能我太天真，其實仲有好多選擇，我有問過屋企人、老師、朋友意見，大家意見各有各好。」
前晚Yumi與Windy為新城台慶演出，她接受訪問時公布自己的決定：「因為我DSE成績未如理想，其實放咗榜之後，有唔同嘅大學學位offer，但係我覺得點解唔揀呢，因為我想讀HKU Space（香港大學專業進修學院）再了解下，畀多啲時間，例如多1、2年，發掘自己想要啲咩，希望大家會支持我。」
網民對Yumi竟然放棄大學學位，反而升讀副學士或高級文憑課程，感到不可思議；不過有人估計Yumi所指的大學學位offer可能是「水泡科」，所以寧願在副學士課程加以努力，考好成績博入八大。
此外，早前Windy宣布放棄伯克利音樂學院（Berklee College of Music）的取錄及獎學金，選擇到廣州星海音樂學院讀書。她透露當初在IG透露獲伯克利取錄，只是分享當時喜悅，但大家卻默認她一定到伯克利讀書。原來她曾到Berklee校園參觀，很喜歡當地的氛圍，但她沒有後悔自己的選擇：「唔會後悔，選擇做咗就係做咗，冇對與錯，人生好多選擇都係要做，所以喺星海音樂學院讀完之後，我可能會選擇再去美國進修或者讀master，感受唔同城市嘅學習氛圍。」
圖片來源：IG、網上截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】AROMASE 5α捷利爾頭皮淨化液！↓
↓ 舒緩毛囊阻塞不適感 / 維持頭皮日常油水平衡！↓
↓【角逐打卡王🏆】送AIRSIM無國界上網卡連儲值額🌏！↓
↓覆蓋超過130個國家同地區🗺️一卡漫遊全世界✈️↓
