雖然已經立秋，但天氣都仲係好熱，而阿Sa蔡卓妍就捉住夏天嘅尾巴，罕有分享水着照，大曬弗爆身形，想睇嘅福利都有齊，唔少fans都話好滿意！
阿Sa post出6張佢嘅水中大擺pose嘅泳衣照，一時大力撥頭髮，一時烏低身戲水，仲有大頭相，應有盡有，佢留言：「練兵千日 用在一時 😝 #咁辛苦keepfit #就係為咗有個summerbody 😏 #留倩影 #老咗可以睇返 #曾經都fit過 😎 #2024年夏」的確阿Sa嘅身形真係勁fit，水蛇腰幼到唔科學，屁股仲有肉同蹺咗，連上圍都再次發育，睇得出係有下過苦功！
Twins出道逾20年，阿Sa雖然已經41歲，但仍然好似少女一樣，點會睇得出佢只係細《東張》何太兩年！阿Sa保養得宜，樣同身形都惹人羨慕，不過靚靚背後佢都好勤力，周不時都會發布自己去Gym做運動嘅片段。
阿Sa本身體形偏也瘦，不過自律都好重要，佢曾經留言「放負」：「其實⋯我真係好憎做運動 🤢做極都係憎。不過⋯憎都要做㗎😵💫為咗健康為咗靚為咗食更加多嘅嘢⋯#好羨慕嗰啲鍾意做運動嘅人 🙃呢度有冇鍾意做運動嘅人？俾個👍🏻同我一樣咁憎做運動 俾個 👎🏻同埋#到底點樣先可以令自己鍾意呢。」而當時鄧麗欣（Stephy）都有留意表示自己都好唔鍾此運動，真係睇落要毫不費力，先係用咗最大力去維持！
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
