AEON再收顧客投訴，不過今次投訴的內容是針對「生鮮燈」？有顧客留言，並引用中國內地於去年頒布的全國禁用「生鮮燈」法例，遂要求AEON香港店不要採用有關燈光照明產品，店長禮貌「反駁」回應，獲網民激讚「又寸又有禮貌」，有人更著去信者「 睇唔順眼，返大陸買囉」。
顧客投訴AEON採用生鮮燈
早前有網民透過「AEON Stores 關注組」發帖分享，留意到AEON大窩口分店有顧客寫下心聲，向店長投訴該分店仍採用「生鮮燈」，對此深感不滿，認為會引起誤導及影響鮮肉品質，更引用中國內地已頒布全面禁用「生鮮燈」的法律，質疑AEON香港分店為何未有跟隨，且繼續採用？
▼顧客心聲▼
點擊圖片放大
店長反駁回應：暫時會繼續使用
面對質疑，店長將有關留言「貼堂」並正面作出回應，指感謝對方分享有關內地法例，惟「根據現有香港法例，暫時仍未定立禁止使用生鮮燈的規條」，並解釋有關照明系統主要提供充足光度，暫時會繼續使用。店長又補充，「若日後香港推出有關的新法例，本店必會跟隨」。
▼店長回應▼
點擊圖片放大
內地去年12月起全面禁用生鮮燈
翻查資料，內地於去年12月1日起正式實行，國家市場監督管理總局令第81號《食用農產品市場銷售質量安全監督管理辦法》，規定銷售生鮮食用農產品，不得使用對食用農產品的真實色澤等感官性狀，造成明顯改變的照明等設施，誤導消費者對商品的感官認知，亦即全面禁用帶有「美顏」作用的生鮮燈。
▼內地禁用生鮮燈規定罰款▼
點擊圖片放大
網民撐AEON：睇唔順眼返大陸買囉
店長回應獲不少網民支持，認為「睇唔順眼，返大陸買囉」、「佢應該返大陸住」，又認為「點都會拎舊肉係正常白燈下望一望掛」；不過都有網民覺得，採用生鮮燈雖然不犯法，但認為「呢隻燈啲色好阻礙人睇啲肉新唔新鮮」。
▼網民留言▼
此外，有不少網民將重點放在生鮮「燈」上，笑指睇咗「新鮮橙」、「我一直睇錯生鮮橙，仲諗緊咩新鮮橙影響肉品質」、「原來大家都一樣睇咗做orange」。
資料及圖片來源：Facebook@AEON Stores 關注組、小紅書圖片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】AROMASE 5α捷利爾頭皮淨化液！↓
↓ 舒緩毛囊阻塞不適感 / 維持頭皮日常油水平衡！↓
↓【角逐打卡王🏆】送AIRSIM無國界上網卡連儲值額🌏！↓
↓覆蓋超過130個國家同地區🗺️一卡漫遊全世界✈️↓
