《2024香港小姐競選》決賽將於9月15日舉行，近日乘勢推出特備節目《2024香港小姐 女．遊記》，其中塞班之旅由「師姐」馮盈盈、麥美恩帶領7號秦冀雯Yvonne、8號盧凱怡Kerry和12號鍾翠詩Tracy，上天下海玩轉塞班，三位佳麗更齊齊換上泳裝親親魔鬼魚，以美人魚Look吸引到「古惑」的魔鬼魚爬上心口！
香港小姐2024｜塞班外景
今屆港姐其中一個外景拍攝地方為塞班，7號秦冀雯Yvonne、8號盧凱怡Kerry和12號鍾翠詩Tracy於塞班大玩水上活動，換上泳衣與魔鬼魚近距離接觸，身形嬌小的12號鍾翠詩初時表現驚驚青青，但後來玩得不亦樂乎，而7號秦冀雯就表現大膽，對魔鬼魚愛不釋手，更與其中一條名叫「李小龍」的魔鬼魚結緣，她笑言：「我抱佢時係最乖，永遠都唔會郁，其他人抱就會郁。」8號盧凱怡同樣玩得開心，笑言希望擁有魔鬼魚般滑嘟嘟的皮膚。
香港小姐2024｜8號盧凱怡衝上雲霄豪言買飛機
之後五人兵分兩路，麥美恩和8號盧凱怡體驗自駕小型飛機，馮盈盈則和7號秦冀雯、12號鍾翠詩去到藍洞浮潛。8號盧凱怡自駕小型飛機玩得十分盡興，起飛後全程由她控制小型飛機，她笑言：「我覺得揸飛機幾易，因為又冇燈，又冇塞車！我有新目標，我要買一架飛機！」對於8號盧凱怡的駕駛技術，同行的機師給予9分高分。
馮盈盈藍洞浮潛素顏樣終極曝光
另一邊廂， 馮盈盈、7號秦冀雯和12號鍾翠詩化身美人魚影靚相，雖然畫面唯美，但鏡頭後7號秦冀雯卻頻嗌想嘔，她說：「血氧唔係好充足， 搞到低血壓，全程好想嘔。」另一焦點落在馮盈盈身上，浮潛完後素顏樣終極曝光的她，呻爆被製作組「賣豬仔」，盈盈高呼：「原來唔使化妝過嚟，因為上到水之後變到好似素顏咁，早知就唔嚟啦！」場面搞笑。
香港小姐2024｜12號鍾翠詩有「華姐」包袱壓力爆煲
之後一行人出海玩水上降落傘，7號秦冀雯和8號盧凱怡，馮盈盈和12號鍾翠詩分成兩組比併，期間兩組更要背誦歷屆港姐冠軍名字，佳麗和馮盈盈更在高空嗌到拆天。今次行程感觸良多，三位佳麗在營火會坦露心聲，齊齊淚腺失陷爆喊收場，當中12號鍾翠詩坦言因「華姐」包袱搞到壓力爆煲：「我覺得自己好冇自信，大家覺得我係華姐，講嘢又好似好官腔，我自己又好驚講錯嘢，好大壓力……..」場面感人。
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】KAGOME升級版「野菜生活100」體驗套裝！↓
↓ 蔬菜量Up、味道Fruity，輕鬆攝取蔬菜營養！↓
↓「角逐打卡王🏆」送THE PARK LANE HONG KONG雙人晚市餐飲禮券🎟️！↓
↓請您食人氣自助餐：即開生蠔🦪、波士頓龍蝦🦞↓
