Edan X JACE專訪｜呂爵安陳凱詠「分手」原因曝光? Edan爆兩人初見一句甜言蜜語

Edan X JACE專訪｜第四度合作 初次印象仍在《全民造星》

+2

點擊圖片放大

眾所周知，Edan呂爵安是透過《全民造星》令大家開始認識這位歌手，而原來《全民造星》背後，更埋藏著呂爵安與陳凱詠的認識開始，當時的陳凱詠仍是一位造型師。Edan表示︰「咁第一次見面印象我記得我哋係喺一個排舞室到嘅，跟住我哋成班男仔就『嘩呢個女仔好靚呀！』咁樣，第一個反應係咁。」初次印象就有正面感覺，靚仔靚女果然比較吃香，排舞室成為兩人初次見面的場景，但陳凱詠當時的視角又是如何?「應該係冇印象嘅。」一句吐出時二人馬上大笑，陳凱詠解釋指現場太多男性，當時又忙於整服裝，記好尺寸，根本就無暇留意Edan。而Edan更識趣地為我們追問︰「個時有冇偷𥄫邊個?」陳凱詠依然回答︰「冇，完全對你們零印象。」似乎這個初見場面就只有男方存有回憶。

Edan X JACE專訪｜如推《漸漸我們》前傳 兩人蜜運的相處又是如何?

+4

+3

點擊圖片放大

《漸漸我們》這首歌曲是偏向傷感，MV更是表達出兩人分手各有生活之後再次碰頭，縱有無數感觸但二人亦無再開口說話。假如將時間線推前，創作一段《漸漸我們》前傳的往事，假設兩人拍拖交往時的甜蜜畫面又是如何?二人都異口同聲表示畫面難以想像，JACE首先引用網民說法指︰「啫係你哋(Edan與JACE)係姊弟戀，跟住後來發現係親姊弟，所以分手。」的確JACE年紀上比起Edan大三歲，絕對為一段姊弟戀，至於會否是親生，想也不太可能。「我諗你會好嫌棄我囉。」JACE首先形容如果兩人交往時的畫面，其後再續補充︰「我知啦，假如我哋係情侶關係，個個分手原因一定係嫌我情侶太大起大落，太飄個啲。」並形容與自稱理性的Edan似乎性格不合。不過Edan就表示︰「咁但係理性都可以好重視你嘅感受。」

JACE形容自己的傷感會來得很突然，自己亦會向另一半傾訴，不過就不會要求對方太多。在旁的Edan竟突然自爆︰「咁我做到呀。」兩人未成情侶就已有情侶相處的模式，JACE更笑言︰「咁我哋散唔到喎，《漸漸我們》唔到喎，你講清楚好喎。」最後二人取得共識，雖然難以分手，不過要首先想通為何能夠交往，怎樣開始二人走向與友情另一個方向的感情路。

「我唔係Edan個Type嚟嘅，我諗。」

「吓，我都覺得我唔係JACE個Type嚟，我諗。」

Edan X JACE專訪｜新歌源自拉闊騷 三選一之下仍是會選對方?

+4

+3

點擊圖片放大

《漸漸我們》的想法在今年6月舉辦的《拉闊2024．キラキラ｜EDAN x JACE x JEFFREY x MARF 音樂會》由Edan提出，希望與JACE能夠在演唱會上首唱其合作歌。不過這一場演唱會，除了有兩人的演出，更有Marf@COLLAR與Jeffrey，為何偏偏只選JACE而不選其他人?「咁其實時間許可，又或者有咁充足資源嘅。三個都可以出一首就緊係正啦。」但礙於時間與資源的關係，就決定選了過往有曾合作，覺得「幾夾又幾有趣又幾有火花」的JACE。

但如果換過來說，JACE在三選一之間仍會選擇與Edan合作嗎?畢竟同台的仍有另一位型男Jeffrey，JACE回應上肯定的答案︰「如果比我再揀，我緊係揀返Edan。同Edan合作就係好玩又有信任又有默契。」最後Edan更補充︰「比你揀多一萬次你都會再揀我。」JACE亦表示認同。

+4

+3

點擊圖片放大

Edan X JACE專訪｜經歷事業低潮 朋友成低谷最大救星?

點擊圖片放大

每段感情可能都會經歷一段低潮時期，有時低潮甚至會直接將關係完結，成為彼此的歷史。愛情有低潮，事業亦會有低潮期。JACE的歌唱事業都有曾進入一段比較低潮的階段，Edan看似一帆風順，而其實MIRROR亦有曾經歷過休團的時期。Edan沒有視自己的事業生涯出現過一個明顯的低潮，但認同一路走來時有起有落，比起尋求協助，Edan會傾向自己消化︰「因為我其中一個優點係去得比較快，好少好持續咁情緒低潮。」而JACE亦表示自己不習慣尋求協助，有一種不要麻煩別人的心態，但慶幸身邊的人比自己更了解自己，會留意到自己的情況然後伸出援手。最後兩人都同意，經歷低潮，身邊的朋友絕對為能夠助自己一把的人。

Edan
Makeup: San ChanHair: Man Chan @ CHIC Private I Salon
Stylist: PIPA Creative
Wardrobe: Lane Crawford
 
JACE
Hair: Kenki Lau
Makeup: One Tung 
Wardrobe: DIESEL 
Accessories: Lane Crawford (Necklace) , BVLGARI (Rings & Watch)
場地：No. 5 Studio HK