海關戰線專訪｜《海關戰線》目前正在上映，由張學友謝霆鋒主演，再度以電影探索香港紀律部隊的工作。今次與謝霆鋒與林嘉欣進行專訪，兩位相隔22年再度合作演戲，今次謝霆鋒更搖身一變首任武術指導，為電影度身訂造一連串動作場面，甚至有不少危險場面亦是謝霆鋒親身上陣，期間謝霆鋒更為此操上八舊腹肌，向觀眾大派福利！謝霆鋒操肌，但林嘉欣反而因入戲而要求留白髮?
海關戰線專訪｜首任武指拒用CG 為動作場面操肌
《海關戰線》主打動作連場，其中謝霆鋒的動作戲份就最多，故此事前謝霆鋒就已經用上一年時間去武裝自己，謝霆鋒過往曾經表示︰「今次確實是我對身體要求比較高的一部電影，始終主題有關紀律部隊，一定要以最佳狀態上陣！所以，我對自己的身體狀態落下最高要求，無論飲食、練拳、健身，我都是嚴謹了一點！」雖然謝霆鋒亦坦言拍攝完畢之後已經沒有再保持，但亦有預告與劉德華合作的《怒火漫延》將會再升級操肌！除了對自身身材高要求，謝霆鋒今次首任武術指導，對電影當中一切的動作場面都非常嚴格，拒絕使用任何大部分的特技丶替身去完成︰「我哋8、90年代動作盛世時，係因為呢啲動作電影語言可以令國際都知道，嗰陣冇CG，而家《海關》我堅持真做，對我哋嚟講演員冇痛楚冇冒險，冇風險成份，係特技電影而唔係動作電影。觀眾睇住我哋冒險，先會感受到嗰份緊張。」務求真實，謝霆鋒更打到「周身傷」！他表示︰「事先鍛鍊多啲，身體要柔軟啲。我打打下先記得海關制服係短袖，連護墊都攝唔到，後來仲要有動作擋棍，拳腳，手腳腫晒都太遲，其實都練到自己如鋼筋。」
▼更多謝霆鋒曬肌相▼
海關戰線專訪｜笑稱張學友「影印機」 林嘉欣為入戲特意留白髮
身為武術指導兼主演的謝霆鋒，除了自己落場打，更要為其他演員設計上不同動作，過往謝霆鋒曾經表示會根據劇本、人物和角色設計定做場面：「其實我覺得動作和對白都沒有差別的，都是完整角色的情緒，總不能說這個動作『型』就你用啦，是不行的。」今次合作拍檔有前輩張學友，謝霆鋒於訪談中就大讚張學友身手敏捷︰「一向鍾意睇佢戲，但咁多年冇真正合作過，細個就聽佢歌，真係好似戲入面角色，似大前輩師父，學友哥好好身手，協調性子高，而且佢學動作好快，我哋武術組當佢影印機，睇一次基本上已經可以copy到動作出嚟，平時佢有打網球，所以設計佢用短棍畀佢，佢揮灑自如，動作戲拍得好快。」
至於林嘉欣，由於其劇本設計的角色上她屬於海關高層，涉及行政及文書等的工作較多，故此動作場面其實較少，林嘉欣只需開拍前都不斷練習開槍，不過她則笑言不想太多打戲，覺得自己的文戲比較在行。「今次第一次做紀律部隊，著起制服好快就入戲，有種專業、緊慎小心，好自然，休息放飯我都著住制服keep住。事前我仲同導演講，畀我留3、但個月白髮，戲入面係我真白髮，呢啲小小嘅設計，幫我入戲。角色佢係事業心好重，而且隨住查大案，會越來越多白髮，代表真係好多煩惱。」
海關戰線專訪｜謝霆鋒親身解構戲中動作場面
《海關戰線》中的動作場面橫跨海陸空，其中一場謝霆鋒要被吊上近6、7樓高空拍攝與悍匪搏火，訪談當中謝霆鋒親自解構這場動作場面：「今次套戲用好多重型道具，車、船、貨櫃，呢啲每個幾千磅至噸位去計，危險性唔可以有任何差錯，如果唔係會碎骨。嗰幕直升機吊住貨櫃，貨櫃拉住架車喺半空，我由貨櫃跌落車擋風玻璃，攝影師要拍住我由貨櫃碌落去，嗰日剛落完雨，地下較滑做動作係有啲難，而攝影師仲難，因為佢拎住部機追落嚟，如果佢拎唔住部機，6、70磅嘅機跌落嚟追住我頭壓落嚟，製作困難，但呢啲動作少見。」最後該場動作拍了三個Take，其中一take霆鋒更直言：「唔夠爽，即刻再嚟！」最後完成拍攝後就向導演表示︰「已盡最大努力做出最快捷的身手。」電影的拍攝果然絕不簡單。
謝霆鋒
髮型：Ricky Kwok
服裝：Valentino
形象：Queenie Yu
林嘉欣
髮型：Kristy Cheng
化妝：Shuen Kong
服裝：Bottega Veneta
海關戰線專訪｜劇情簡介+演員陣容
《海關戰線》故事講述香港海關在一次例行海上巡邏中，查獲一艘藏有大批殺傷力武器的貨船，調查過程中遭遇一群海外勢力轟炸搶奪。為追查走私真相，張允南（張學友飾）派出下屬周正禮（謝霆鋒飾）與國際刑警一同遠赴海外，輾轉龐大而複雜的軍火黑市，頂著漫天炮火追查線索的周正禮剛有眉目，噩耗卻突然從香港傳來，原來軍火失竊另有內情......演員陣容包括謝霆鋒擔任動作指導及領銜主演，張學友、林嘉欣、劉雅瑟領銜主演，吳鎮宇特別演出，關智斌、陳家樂、衛詩雅、袁富華、米雪、石修、黃錦燊、楊天宇、Amanda S.主演。
海關戰線專訪｜電影預告
海關戰線專訪｜上映日期、戲院場次及售票
《海關戰線》將於7月5日正式上映
片長︰115 分鐘
級別︰IIB
香港戲院預售
海關戰線專訪｜票房
截止7月7日，《海關戰線》票房已經突破500萬
同場加映：【香港周圍遊】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】勁賞霜瀛廚師發辦套餐！↓
↓ 嚴謹日本各地時令食材 / 高質江戶前風味Omakase！↓
↓【請您試用】Parisine全新香水身體護理系列↓
↓潔淨肌膚同時散發綿長持久的香氣↓
