74歲黎彼得曾有「鬼馬填詞人」之稱，近來進軍Youtube界，主持環星音樂節目《玖噏秘笈》，除了拍片分析香港時事，亦不時會分享名人明星的趣事。最新一集，黎彼得除了多謝大家對他的支持，更在影片中感謝3位貴人借錢給他繳交醫藥費，言談間突然提到鄭中基，1原因直言對這位世侄印象麻麻。
黎彼得自爆曾被鄭中基無視
早前鄭中基與其經理人湘姐（何慶湘）終止合作，事件愈演愈烈，鄭中基更公開自己受情緒病影響而酗酒，因此決定暫時休息到美國戒酒。今集黎彼得難得提起鄭中基，但他直言對這位世侄印象麻麻，質疑昔日好友鄭東漢寵壞兒子造成。
黎彼得提到，指與其父早於70年代已私交甚篤，卻沒想到鄭中基在TVB電梯內把他當做透明人，「我衰極都叫一個小小嘅藝員，你冇理由當我隱形啩？佢真係眼尾都唔睄你。」隨後黎彼得更在節目中負評鄭中基，「根本真係唔好嘅，你又酗酒澩咁嫪，餐餐都出事。呢鑊仲大鑊」。
黎彼得80年代肝炎入院 獲前任大老闆找數？
提到圈中好友的幫助，除了有劉鑾雄（大劉）幫忙支付入院通波仔的手術費和生活費外，黎彼得還想起了當時老闆、漫畫界前輩黃玉郎，他說：「八幾年嗰時我因為肝炎，我嗰時喺玉龍集團做，佢幫我找數，找數一半，嗰度都十幾廿萬，因為住養和醫院，我人工唔夠，玉郎哥哥真係唔話得，我雖然辭咗職，佢都同我找數，呢個又係喺呢度先（多謝）。」
黎彼得大方承認曾借錢住私家醫院
同時，黎彼得亦想起了余慕蓮（魚毛），原來當年他因肺積水入院，幸好有余慕蓮不時買早餐探病，其後又借錢給他繳付醫藥費，「佢話『你邊有咁大嚿錢呀，你不如分期還啦』，佢話㗎咋，結果我分期還，還晒。」
余慕蓮曾爆圈中人借錢後拖數3年 真相終揭曉...
黎彼得這番言論，令不少人想起今年5月余慕蓮接受訪問時，曾大爆自己借錢給一位老牌男藝人，指該名男藝人因病入院卻堅持要住私家醫院，眼見醫院不停追數，余慕蓮便好心幫對方碌卡找數。原以為該名男藝人出院後便會還債，沒想到對方卻把醫藥費攤分多年才還清，「結果佢分期3年，每月還2000蚊」。
當時余慕蓮並未透露當事人是誰，但她直言該名男藝人「縱壞個仔」，又指對方就連飲喜酒都會打包食物給兒子，令她愈想愈激氣，最後更表示「總之我希望你長命啲，唔係你死咗之後個仔都唔知點算」，沒想到原來當事人就是黎彼得。
黎彼得自爆至今仍要為兒子找卡數
黎彼得曾在過去訪問中提到父子關係疏離，早年他忙於工作，加上其婚姻關係不到3年就結束，兒子自小交由外傭照顧，故對兒子感內疚。4年前，黎彼得受訪時透露年過30歲的兒子在內地讀中醫課程，他慨嘆至今仍要供書教學，惟兒子多年來都沒有給家用，「30歲都冇搵過一毫子返來，冇收入。老竇駁長條命等佢，我無限量支持佢（生活），即使佢去到40歲，我都供！」
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】Cetaphil舒特膚溫和護膚系列！↓
↓ 助您改善5大敏感症狀 / 修復及強化受損肌膚屏障！↓
