內地旅行團轉移陣地攻入新蒲崗？土瓜灣去年成為內地團訪港的熱門地區，不時出現市區人潮逼爆的墟冚場面，惹來詬話，不過一年後已恢復淡靜，最近本港再出現新熱點，有市民發現新蒲崗近期成為旅行團的團餐地，大批遊客逼爆行人路，惹來附近居民不滿，批評「阻街」、「想經過也困難」。
內地客逼爆新蒲崗行人路 逾百人排隊食團餐
最近不少市民透過社交平台群組分享，指留意到近期新蒲崗多了不少遊客在街上聚集，分別都有不同市民拍攝到該區一間酒樓，成為內地旅遊團的團餐熱點。從周一（23日）發布的相片可見，位於越秀廣場對面的一家名為「悅秀軒」的酒樓，店外逼滿人潮，大部分頭戴一頂紅帽子，疑似是旅行團遊客，目測估計逾百人正在排隊等候入座。
▼新蒲崗遊客排隊景象▼
當時整個路口都人滿為患，有街坊批評「土瓜灣轉至新蒲崗」、「阻街」，令附近市民無法正常通過路口，「（上周日）昨天我也見到，想經過也困難」、「阻住條路人哋點樣行呀」？
街坊直擊：旅行團企晒喺到食煙
有其他街坊於同日下午時段，拍攝酒樓的正門情況，大批頭戴黃帽子及紅帽子遊客站在門口位置排隊。對面街口亦受波及，有街坊於同日早上時間已見有一批旅行團到訪，指「成班專才旅行團日日企晒喺呢個角落頭食煙 ！人行都行唔到焗住要吸二手煙味」，又指「仲要拍晒幾架旅遊巴響越秀廣場門口，阻住晒啲交通」。
▼新蒲崗遊客排隊景象▼
土瓜灣旅行團逼爆街頭 遊客大排長龍
有關情況似曾相識，因去年紅磡及土瓜灣一帶亦有不少招待內地旅行團食肆，不時出現近千名遊客排隊等候進食團餐的盛況，以致出現人流、噪音及交通等問題，引來附近居民多次投訴。
▼土瓜灣遊客景象▼
街坊：呢間舖平時唔做生意 專做旅行團
今次內地團襲新蒲崗，有網民表示「呢間舖依家平時唔做生意，專做呢啲團」、「又搞到周圍污糟邋遢」。不過都有人反撐「好心體諒下啦，現在咩環境呀」？遭不少網民駁斥：「無人唔俾佢做團餐喎，重點係唔好騷擾到人唔好阻到人」，亦有網民表示不解，「點解唔車佢哋去黃大仙祠？喺嗰度裝香，唔會影響人」。
▼網民留言▼
資料及圖片來源：Facebook@黃大仙區友(黃大仙，新蒲崗，鑽石山，慈雲山......)、Facebook@黃大仙區友(黃大仙，新蒲崗，鑽石山，慈雲山......)、Facebook@黃大仙區友(黃大仙，新蒲崗，鑽石山，慈雲山......)（影片）
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
