現年23歲的女藝人郭珮文（Juliana），於去年參選港姐憑驕人身材被喻為「最強Body」極速上位，先撼贏三甲率先被安排入劇組及亮相綜藝節目，於劇集《法證先鋒6倖存者的救贖》處女演出。日前，郭珮文接受電台《星光背後》專訪，坦承行性感是女星上位捷徑，不過亦設有「裸露」底線！
郭珮文自爆最大尺度拒絕XX
香港出世的郭珮文（Juliana）於就讀中二時赴英美升學，去年美國大學畢業後回港參選港姐。雖然決賽五強止步，但人氣與話題度都贏盡同屆港姐。節目中，郭珮文除了大談性感形象，還一度講到可接受的尺度，更大爆「天然呆」原來源於初中被欺凌導致社恐！
▼▼點擊睇郭珮文大談性感印象▼▼
郭珮文身材得天獨厚
郭珮文雖然身材得天獨厚，但其性格「天然呆」又「佛系」，全因讀書時期曾受欺凌而患社交恐懼症，郭珮文親述以往的經驗：「我諗有好多因素導致我有社恐，可能我細個因為肥被同學排斥欺凌我，都有可能係我以前講嘢太直傷害到人，之後人哋反映比我聽佢哋唔鍾意，又有可能係屋企人對我期望好高，經常拎我同其他人比較，令我自信心愈來愈少。」
▼▼點擊睇郭珮文震撼泳衣環節▼▼
郭珮文體重最高峰130磅
原來郭珮文升中入讀名校瑪利曼階段，體重最高峰時有130磅：「因為我超鍾意食嘢，屋企人又無阻止我，任我食，曾經試過去燒烤任食自助餐，我食咗人哋15碟肉，所以嗰時就好肥，一點五米高成130磅。」亦因中一中二長期被同學欺凌，使她決心出國讀書：「中一、中二都好唔開心，被人欺凌都係令我想出國讀書原因，同埋當時覺得係香港讀書好壓抑，當時我又讀緊間名校，學習好大壓力，成日要補習，同學仔又唔係好想同我玩，所有嘢加埋就令到我有啲唔開心。」郭珮文指及至海外升學踏入青春期，因開始著重外表控制飲食及做運動，順利減肥成就今天的驕人身段。
郭珮文天然呆形象
郭珮文參選港姐後首次參與台慶就以「搓包剪揼」贏了馬國明獲42萬現金大獎。對於得獎一刻被形容無反應或天然呆，郭珮文反說：「當時真係有啲嚇親，唔係無感覺，因為無諗過會中，覺得無可能。因為我啲運氣從來都無咁好過，最初以為唔關自己事睇吓係邊個中獎，點知聽聽下先知叫緊自己，個下仲以為係自己聽錯，等到隔離個朋友拍下我，先知係自己得獎，所以真好驚訝，覺得自己好好彩。」
同場加映：【香港周圍遊】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
